ប្រទេសចិននិងរុស្ស៊ីកាលពីថ្ងៃព្រហស្បតិ៍ បានអំពាវនាវឲ្យមានការបន្ធូរបន្ថយទណ្ឌកម្មប្រឆាំងនឹងកូរ៉េខាងជើង ដោយបដិសេធការជំរុញរបស់អាមេរិកនៅក្រុមប្រឹក្សាសន្តិសុខអង្គការសហប្រជាជាតិសម្រាប់ការអនុវត្ត ឲ្យបានខ្លាំងក្លា បើទោះបីជាមានទំនាក់ទំនងកក់ក្តៅក៏ដោយ។
ដោយមានការដឹកនាំពីសហរដ្ឋអាមេរិក, ក្រុមប្រឹក្សាសន្តិសុខបានអនុម័តនូវសេចក្តីសម្រេចដាក់ទណ្ឌកម្មចំនួនបីកាលពីឆ្នាំមុនក្នុងគោលបំណងលុបចោលប្រាក់ចំណូលរបស់កូរ៉េខាងជើងសម្រាប់កម្មវិធីនុយក្លេអ៊ែរនិងមីស៊ីលរបស់ខ្លួន។
រដ្ឋមន្ត្រីការបរទេសចិនលោក Wang Yi បានប្រាប់កិច្ចប្រជុំក្រុមប្រឹក្សាថា “ការវិវត្តវិជ្ជមាន” នៅក្នុងទំនាក់ទំនងរវាងកូរ៉េខាងជើងនិងកូរ៉េខាងត្បូងបូករួមទាំងទំនាក់ទំនងកក់ក្តៅរវាងអាមេរិកនិងកូរ៉េខាងជើងផងដែរគួរតែនាំឲ្យមានការបន្ធូរបន្ថយទណ្ឌកម្ម។
លោក Wang បាននិយាយថា ក្រុមប្រឹក្សានេះគួរតែពិចារណាដើម្បីកែតម្រូវវិធានការទណ្ឌកម្មដោយយោងតាមការអនុលោមរបស់កូរ៉េខាងជើង។
ស្របពេលជាមួយគ្នានោះ ប្រទេសរុស្ស៊ីបានគាំទ្រការអំពាវនាវរបស់ចិនដែលឲ្យពិចារណាអំពីការដាក់ទណ្ឌកម្ម។
រដ្ឋមន្ត្រីការបរទេសរុស្ស៊ីលោក Sergei Lavrov បានលើកឡើងថា វាដល់ពេលហើយដើម្បីបញ្ជូនសញ្ញាវិជ្ជមានមួយទៅកាន់ក្រុងព្យុងយ៉ាងដើម្បីលើកទឹកចិត្តឲ្យមានសម្បទាន។
លោក Lavrov បាននិយាយថា “ជំហានរបស់កូរ៉េខាងជើងឆ្ពោះទៅការដកហូតអាវុធជាបន្តបន្ទាប់គួរតែត្រូវបានអនុវត្តតាមការបន្ធូរបន្ថយទណ្ឌកម្ម”។
រដ្ឋមន្ត្រីក្រសួងការបរទេសអាមេរិក លោក Mike Pompeo បានបើកកិច្ចប្រជុំនេះដែលធ្វើឡើងក្នុងអំឡុងពេលមហាសន្និបាតអង្គការសហប្រជាជាតិប្រចាំឆ្នាំដោយទាមទារឲ្យមានការដាក់ទណ្ឌកម្មតឹងរ៉ឹង។
លោក Pompeo បានសម្តែងក្តីសង្ឃឹមសម្រាប់ “ថ្ងៃថ្មី” ជាមួយទីក្រុងព្យុងយ៉ាងប៉ុន្តែបានរក្សាការដាក់ទណ្ឌកម្មដើម្បីនាំកូរ៉េខាងជើងទៅកាន់តុចរចាហើយបាននិយាយថា មិនគួរមានការគៀបសង្កត់ឡើយ។
ប្រទេសចិនគឺជាដៃគូពាណិជ្ជកម្មកំពូលរបស់ក្រុងព្យុងយ៉ាងខណៈដែលប្រទេសរុស្ស៊ីបានស្វាគមន៍កម្មកររាប់ពាន់នាក់របស់កូរ៉េខាងជើងដែលក្រុមសិទិ្ធមនុស្សចាត់ទុកថាជាប្រភពដ៏សំខាន់នៃរូបិយប័ណ្ណដ៏រឹងមាំ៕ REUTERS
Source: Kampuchea Thmey Daily
0 Comments