អតិថិជន ជាង​១៥​ម៉ឺន​នាក់​ហើយ ដែល​ចូល​ប្រើប្រាស់ កម្មវិធី​ទ្រូ​ម៉ាន់​នី ក្នុង​ការផ្ញើ ដក និង ដាក់​លុយ តាមរយៈ​ទូរ​ស័ព្ទ​ដៃ

ភ្នំពេញ ៖ គិត​មកដល់ពេលនេះ មាន​អ្នក​ចូល​ប្រើប្រាស់ កម្មវិធី​(​ទ្រូ​ម៉ាន់​នី​) របស់​ក្រុមហ៊ុន​ទ្រូ​ម៉ាន់​នី រហូត ដល់​ជាង​១៥​ម៉ឺន​នាក់ នៅក្នុង​ប្រទេស​កម្ពុជា ដើម្បី​ផ្ញើ ដក និង​ដាក់​ប្រាក់ នៅតាម​ប្រព័ន្ធ​ទូរ​ស័ព្ទ​ដៃ​ស្មា​ត ហ្វូ​ន គ្រប់ពេលវេលា​គ្រប់​ទីកន្លែង ដែល​មាន​ភា​ពងាយស្រួល​ព្រមទាំង​មានការ បញ្ចុះ​តម្លៃ​ច្រើន​ទៀត ជាមួយ​ភ្នាក់ងារ​ទ្រូ​ម៉ាន់​នី ជាង​៦​ពាន់​កន្លែង​គ្រប់​ខេត្ត​ក្រុង​។

នេះ​តាម​ការ​បញ្ជាក់​ឲ្យ​ដឹង ពី លោក គង់ មាន អគ្គនាយក​ក្រុមហ៊ុន​ទ្រូ​ម៉ាន់​នី នៅក្នុង​ពិធី​សម្ពោធ​ដាក់​ឲ្យ​ប្រើប្រាស់​ជា​ផ្លូវការ នៃ​រោងភាពយន្ត 4DX By TrueMoney និង​ការប្រកាស ដាក់​ឲ្យ​ប្រើប្រាស់​ជា​ផ្លូវការ​មុខងារ​ថ្មី (​ការទិញ​សំបុត្រ​កុន តាមរយៈ​ទូរ​ស័ព្ទ​ដៃ​)​ក្នុង​កិច្ចសហការ​និង រោងភាពយន្ត Major Cineplex By Smart នៅក្នុង​ផ្សារ​ទំនើប​អ៊ី​អន​ម៉​ល​ភ្នំពេញ នា​រសៀល​ថ្ងៃទី​០៧ ខែកញ្ញា​នេះ​។



លោក​បន្ត​ថា កម្មវិធី (​ទ្រូ​ម៉ាន់​នី​) ផ្តល់​ភាព​ងាយស្រួល​ដល់​អតិថិ​ជន នា​សម័យថ្មី​នេះ ដោយបាន​ជួយ​អ្នកប្រើប្រាស់ កាត់បន្ថយ​ការ​ដាក់​លុយ​តាម​ខ្លួន​ច្រើន​ដូច​មុន កាត់បន្ថយ​បញ្ហា​ហានិភ័យ ដោយ​ការបាត់បង់ ការ​ភ្លេច​កាបូប​ប្រាក់ និង​បញ្ហា​ចោរកម្ម ជាយថាហេតុ តាមរយៈ​ការ​ប្តូរ​វិធី​ចាយ​លុយ កាន់តែ​ទំនើប ជាមួយ​ទូរ​ស័ព្ទ​ដៃ​ស្មា​ត​ហ្វូ​ន​ជំនួស​វិញ ដែល​មាន​សុខ​សុវត្ថិភាព និង​រហ័ស ងាយស្រួល​ប្រើ ពិសេស​ទ្រូ​ម៉ាន់​នី នេះ​អាច​ដាក់​លុយ​ទុក​ចាយ​បាន​គ្រប់ពេល គ្រប់​ទីកន្លែង ដោយ​សុវត្ថិភាព ព្រមទាំង ទទួល​បាន​ការ​បញ្ចុះ​តម្លៃ​ជាមួយ​ហាង​ទំនិញ​នានា ដែល​បាន​សហការ​ជាមួយ​ទ្រូ​ម៉ាន់​នី​ទៀតផង។

លោក ឈន់ សាកល ប្រធាន​ផ្នែក ទីផ្សារ​ក្រុមហ៊ុន​ទ្រូ​ម៉ាន់​នី​បាន​បញ្ជាក់​ឲ្យ​ដឹង​ថា សម្រាប់​មុខងារ​ទិញ​សំបុត្រ​តាម​ទូរ​ស័ព្ទ​ដៃ​ថ្មី​នេះ គឺ​អតិថិជន​បាន​ផល​ចំណេញ ២​យ៉ាង ទីមួយ​គឺ​ចំណេញ​ពេលវេលា មានន័យថា អតិថិជន​មិន​ចាំ​បាច់​ឈរ​តម្រង់​ជួរ ហើយ​អស់​កៅអី អង្គុយ​កន្លែង​ល្អ​នោះ​ទេ។ និង​ទី​២ គឺ​ចំណេញ​លុយ ព្រោះ​រាល់​ការទិញ​សំបុត្រ តាមរយៈ​ទ្រូ​ម៉ាន់​នី គឺ​អតិថិជន ចំណេញ​បានការ​បញ្ចុះ​តំលៃ​រហូតដល់ ២៥%​ឯណោះ​។ លោក​ថា ផលិតផល​ថ្មី​នេះ គឺជា ជោគជ័យ​ថ្មី​មួយទៀត​របស់​ទ្រូ​ម៉ាន់​នី ដែល​បាន​ពង្រីក​សក្តានុពលរ​បស់​ខ្លួន នៅក្នុង​ការ​ផ្តល់ជូន​អតិថិជន នូវ​សេវា​ថ្មីៗ​បន្ថែម​ទៀត​។



អតិថិជន អាច​ចាយ​លុយ តាម​ប្រព័ន្ធ​អេ​ឡិច​ត្រូ​និ​ច ដោយ​ប្រើ​កម្មវិធី​ដែល​មាន នៅក្នុង​ទូរស័ព្ទ​ដៃ​ស្មា​ត​ហ្វូ​ន ដែល​កំពុង​ពេញនិយម​នៅ​កម្ពុជា ជាមួយ​អត្ថប្រយោជន៍​ដ៏​សំបូរ​បែប ដោយ អតិថិជន​គ្រាន់តែ​ទាញ​យក កម្មវិធី​ទ្រូ​ម៉ាន់​នី មក​ប្រើ​ប្រាស់ តាមរយៈ App Store ឬ Play Store រួច​សូម ស្វែងរក​កម្មវិធី ទ្រូ​ម៉ាន់​នី ហើយ​បំពេញ​តាម​ការណែនាំ​ជាការ​ស្រេច។

អតិថិជន ដែល​បាន​ប្រើប្រាស់​កម្មវិធី​ទ្រូ​ម៉ាន់​នី ហើយ​បាន​ឈ្នះ​សំបុត្រ​កុន ចូល​ទស្សនា​ខ្សែ​ភាព យន្ត​បរទេស​រឿង​Mission Impossible បែប 4DX បានបង្ហាញ​អារម្មណ៍​ត្រេកអរ និង​ពេញចិត្ត​ប្រើប្រាស់ កម្មវិធី​ទ្រូ​ម៉ាន់​នី នៅក្នុង​ទូរ​សព្ទ័​ដៃ​នេះ ដោយ​បញ្ជាក់​ថា វា​ពិតជា​ងាយស្រួល​មែនទែន ពិសេស​ពេល បញ្ចូល​លុយ​តាម​ទ្រូ​ម៉ាន់​នី ដើម្បី​ទិញ​កាត​ទូរ​ស័ព្ទ​៥​ដុល្លារ គឺ​ទទួល​បាន​ទឹកប្រាក់ ១​ម៉ឺនរៀល​ត្រឡប់​មក​វិញ ដែល​ចំណុច​នេះ​ពិតជា​ពិសេស និង​ចំណេញ​មែនទែន​៕

Source: Kampuchea Thmey Daily