សៀមរាប ៖ កាលពីថ្ងៃទី០៧ ខែកញ្ញា ឆ្នាំ២០១៨ កងកម្លាំងចម្រុះរបស់គណៈបញ្ជាការឯកភាពស្រុកពួក ដឹកនាំដោយលោក ម៉ៅ វិសុទ្ធ ប្រធានគណៈបញ្ជាការឯកភាពស្រុក និង កងកម្លាំងចម្រុះរបស់គណៈបញ្ជាការឯកភាពស្រុកជីក្រែង ដឹកនាំដោយលោក ដោក វណ្ណនេត អនុគណៈបញ្ជាការឯកភាពស្រុកជីក្រែង រួមជាមួយនឹងមន្ត្រីជលផលប្រចាំក្នុងភូមិសាស្ត្រនីមួយៗ ចុះទៅធ្វើការបង្ក្រាបបទល្មើសនេសាទខុសច្បាប់ នៅក្នុងភូមិសាស្ត្របឹងទន្លេសាប ដែលខ្លួនគ្រប់គ្រង ក្នុងនោះ នៅក្នុងស្រុកពួក ប្រមូលឧបករណ៍បរចំនួន១០គ្រឿង , របាំងសាច់មុងប្រវែង១ពាន់ម៉ែត្រ , អ៊ុយស្បៃមុង៤១គ្រឿង , សាច់មុង១.៦៤០ម៉ែត្រ និងចំរឹងចំនួន៥៨២ដើម ព្រមទាំងបានប្រលែងកូនត្រីចំនួន២៥៥ គីឡូក្រាម ចូលទៅក្នុងបឹងធម្មជាតិវិញ និង នៅក្នុងស្រុកជីក្រែង ប្រមូលឧបករណ៍ចំនួន៣៥គ្រឿង , របាំងសាច់អួន៣.៤៣០ម៉ែត្រ , ចំរឹងចំនួន២៦៥០ដើម , អ៊ុយស្បៃមុង១៨គ្រឿង , ក្បាលលូស្បៃមុង៤៥គ្រឿង , របាំងស្បៃមុង៧០០ម៉ែត្រ និងប្រលែងកូនត្រីចំនួន២២៥គីឡូក្រាម ចូលទៅក្នុងបឹងធម្មជាតិវិញ។
ដោយឡែកកម្លាំងប៉ុស្តិ៍នគរបាលរដ្ឋបាលសង្កាត់សៀមរាប ចំណុះអធិការដ្ឋាននគរបាលក្រុងសៀមរាប បានសហការជាមួយលោកចៅសង្កាត់ និងកម្លាំងប្រជាការពារ ចុះបង្ក្រាបបទល្មើសនេសាទខុសច្បាប់ក្នុងភូមិសាស្ត្រសង្កាត់សៀមរាបដោយធ្វើបានប្រមូលបានស្បៃអ៊ុយចំនួន ១២ ក្បាល , របាំងស្បៃមុងស្មើនឹង២៥០ ម៉ែត្រ , ចំរឹងឈើចំនួន៣០០ដើម និង បានចាក់ប្រលែងកូនត្រីចំនួន១៥០គីឡូក្រាម ចូលក្នុងបឹងធម្មជាតិវិញផងដែរ៕
Source: Kampuchea Thmey Daily
0 Comments