បន្ទាយមានជ័យ ៖ លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែតបានដឹកនាំអាវុធហត្ថក្រុងប៉ោយប៉ែត៥នាក់ ចុះល្បាតការពារសន្តិសុខ ក្នុងភូមិសាស្ត្រក្រុងទៅដល់ចំណុចម្ដុំផ្សាររ៉ាចាស់ ភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យស្រាប់ឃើញប្រទះឃើញជនសង្ស័យ៣នាក់ មានកាំបិត ពូថៅ និងដាវសាំម៉ូរ៉ៃ កំពង់នាំគ្នាលួចលក់គ្រឿងញៀនកំលាំងអាវុធហត្ថធ្វើការឃាត់ខ្លួនបាននៅវេលាម៉ោង១និង៣០នាទី រំលងអធ្រាត្រឈានចូលថ្ងៃទី២៦ ខែតុលា ឆ្នាំ២០១៨ ក្រោយពីឃាត់ខ្លួនហើយអាវុធហត្ថបានធ្វើការឆែកឆេរបន្ទប់មួយរបស់ជនសង្ស័យនៅចំណុចខាងលើរកឃើញវត្ថុតាងមួយចំនួនរួមមាន ម្សៅក្រាម ពណ៌សចំនួន ៥កូនថង់តូច គ្រាប់ថ្នាំពណ៌ក្រហម ចំនួន ១កូនថង់ ស្មើនឹង១១គ្រាប់ កញ្ឆា ចំនួន ១ថង់ ១ដបបំពង់ដែកទីប ០១ដើម ពូថៅ ៣ដើម ញញួរ ២ដើម កាំបិតតាំងតោ ១ដើម កាំបិតខ្វែវ ១ដើម ដាវសាំម៉ូរ៉ៃ ៣ដើម កាំបិតច្នៃ ០១ដើម។
លោកវរសេនីយ៍ត្រី នួន នីណារ៉ូ បានបញ្ជាក់ឲ្យដឹងទៀតថា ជនសង្ស័យ ១មានឈ្មោះ យឿន យ៉េង ភេទប្រុស អាយុ ២៣ឆ្នាំ រស់នៅមណ្ឌល៤ ភូមិប្រជាធម្មលិច សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ២មានឈ្មោះ អ៊ុន សំណាង ភេទប្រុស អាយុ ២០ឆ្នាំ រស់នៅផ្សារហ៊ុយឡេង ភូមព្រៃព្រិច សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ៣មានឈ្មោះ រី រ៉ា ភេទប្រុស អាយុ ២៦ឆ្នាំ រស់នៅភូមិប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
បន្ទាប់មកនៅវេលាម៉ោង១០ និង០០នាទីរំលងអធ្រាត្រ ថ្ងៃទី២៦ ខែតុលា ឆ្នាំ២០១៨ អាវុធហត្ថបានបន្តឃាត់ខ្លួនជនសង្ស័យម្នាក់ទៀតដែលជាអ្នកកាន់កាប់បន្ទប់ ឈ្មោះជា សុខជាតិ ភេទប្រុស អាយុ៣៦ឆ្នាំរស់នៅភូមិប៉ោយប៉ែត ក្រុងប៉ោយប៉ែត ខេត្តបន្ទាយមានជ័យនិងបានដកហូតវត្ថតាងប្រភេទម្សៅក្រាមពណ៌ស ចំនួនមួយកូនថង់តូច។
ជនសង្ស័យទាំង៤នាក់បានបញ្ជូន ទៅបញ្ជាការដ្ឋានកងរាជអាវុធហត្ថខេត្តបន្ទាយមានជ័យ ដើម្បីចាត់ការបន្ត។ លោកវរសេនីយ៍ឯក ស ប៊ុនសឿង មេបញ្ជាការរង ទទួលការងារប្រឆាំងបទល្មើសគ្រឿងញៀន បានប្រាប់អ្នកយកព័ត៌មានឲ្យដឹងថា ក្នុងការចុះបង្ក្រាបគ្រឿងញៀននេះដោយលោកវរសេនីយ៍ត្រី នួន នីណារ៉ូ ទទួលបានបទបញ្ជាពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត លោកបានដឹកនាំកម្លាំងចុះបង្ក្រាបឲ្យអស់អ្នកលក់និងជក់គ្រឿងញៀននៅក្រុងប៉ោយប៉ែតនេះឲ្យអស់មិនថា នៅត្រង់ណានោះទេ។ ជនសង្ស័យក្រោយពីបានសួរនាំហើយកម្លាំងជំនាញបានកសាងសំណុំរឿងទៅតុលាការដើម្បីកាត់ទោសទៅតាមផ្លូវច្បាប់៕
Source: Kampuchea Thmey Daily
0 Comments