លោកជំទាវកិត្តិសង្ហបណ្ឌិតម៉ែន សំអនចូលរួមកាន់បិណ្ឌរាប់បាត្រនៅសារមន្ទីរទួលស្លែងដើម្បីរំឭកដល់វិញ្ញាណក្ខន្ឋអ្នកស្លាប់ជំនាន់ប៉ុលពត

ភ្នំពេញ ៖ លោក ជំទាវកិត្តិសង្ហបណ្ឌិតឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រ សួង ទំនាក់ទំនងជាមួយរដ្ឋសភា ព្រឹទ្ធសភានិងអធិការកិច្ច តំណាងសម្តេចអគ្គមហាសេនាបតីតេជោ ហ៊ុន សែននិងសម្តេចកិត្តិព្រឹទ្ធបណ្ឌិត បានធ្វើពិធីសូត្រមន្ត នមស្ការព្រះរតនត្រ័យកាន់ បិណ្ឌ នៅព្រឹកថ្ងៃទី ៤ ខែតុលានេះរួមនឹងពិធី រាប់បាត្រព្រះសង្ឃ ៣៩ អង្គនៅក្នុងបរិវេណសារមន្ទីរទួលស្លែងត្រូវនឹងថ្ងៃព្រហស្បតិ៍១០រោច ខែភទ្របទ ឆ្នាំចសំរឹទ្ធិស័កព.ស២៥៦២។

លោកឃឹម សារិទ្ធ រដ្ឋលេខាធិការក្រសួងវប្បធម៌និងវិចិត្រសិល្បៈ បានបញ្ជាក់ថា កាន់បិណ្ឌ និងភ្ជុំបិណ្ឌនៅសារមន្ទីរទួលស្លែងនាពេល នេះ ដើម្បីរំឭកដល់វិញ្ញាណក្ខន្ឋអ្នក ដែលបានបាត់បង់ ជីវិតនៅសារ មន្ទីរទួលស្លែងហៅ (ស២១) ក្នុងរបបប្រល័យពូជសាសន៍ និងឧទ្ទិសជូនដល់ញាតិកា៧សណ្តាន ដែលបានបាត់បង់ ជីវិត។

សូមបញ្ជាក់ថា,សារមន្ទីរទួលស្លែងត្រូវបានអង្គការយូនីស្កូ (អង្គការ អប់រំវិទ្យាសាស្ត្រ និងវប្បធម៌សហប្រជាជាតិ )បានបញ្ចូលជាបណ្ណសារ សារមន្ទីរប្រល័យពូជសាសន៍ទួលស្លែង កាលពីថ្ងៃទី៣១ខែ កក្កដាឆ្នាំ ២០០៩ទុកជាការចងចាំសម្រាប់មនុស្សជាតិ។ នៅក្នុងបរិវេណសារមន្ទីទទួលស្លែងមានផ្នូរខ្មោចចំនួន ១៤ដែលបានកប់នៅទីនោះ ដែលគ្មានឈ្មោះនិងគ្មានអត្តសញ្ញាណពួកគេទេ តែស្ថិតនៅក្នុងការចងចាំជានិច្ចនូវវត្តមានរបស់ខ្មែរក្រហម នៅភ្នំពេញនាថ្ងៃទី១៧ខែ មេសា ឆ្នាំ១៩៧៥ដល់ថ្ងៃទី៧ខែមករាឆ្នាំ១៩៧៩។ របបប្រល័យពូជសាសន៍ហៅរបបកម្ពុជា ប្រជាធិបតេយ្យ បានឡើងកាន់ អំណាចពីឆ្នាំ១៩៧៥ -១៩៧៨ បានសម្លាប់ប្រជាពលរដ្ឋខ្មែរអស់ជិត៣លាននាក់។ ពួកអតីតមេដឹកនាំជាន់ខ្ពស់ចំនួន៥ រូប នៃរបបកម្ពុជាប្រជាធិបតេយ្យ ត្រូវបានចាប់ ខ្លួនទៅជំនុំជម្រះទោសដោយអង្គជំនុំ ជម្រះវិសាមញ្ញកម្ពុជា(សាលាក្តីខ្មែរក្ ហម )ស្ថិតក្រោមច្បាប់របស់ប្រទេសកម្ពុជាក្រោមមាគ៌ាដឹកនាំដ៏ត្រឹមត្រូវរបស់សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាតែម្ដង៕