កណ្តាល ៖ សាខាកាកបាទក្រហមកម្ពុជាខេត្តកណ្តាល នៅព្រឹកថ្ងៃអង្គារ ៦រោច ខែអស្សុជ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ៣០ ខែ តុលា ឆ្នាំ ២០១៨ បាននាំយកបច្ច័យ និងសម្ភារគ្រឿងឧបភោគបរិភោគមួយចំនួនទៅចូលរួមរំលែក មរណ ទុក្ខយ៉ាងក្រៀមក្រំចំពោះគ្រួសារសពដែលរងគ្រោះដោយឧបទ្ទវហេតុលិចទូកលង់ទឹកស្លាប់ចំនួន ៣ នាក់ នៅភូមិ លេខ១ ឃុំស្វាយរលំ ស្រុកស្អាង ខេត្តកណ្តាល ។
ស្ថិតក្នុងសមានចិត្តដ៏មហាក្រៀមក្រំនេះ លោកគង់ សោភ័ណ្ឌ ក្នុងនាមលោកបណ្ឌិត ម៉ៅ ភិរុណ ប្រធានកិត្តិយសសាខា បានពាំនាំមកនូវប្រសាសន៍ផ្តាំផ្ញើ និងការចូលរួមរំលែកមរណទុក្ខពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនចំពោះក្រុមគ្រួសារនៃសព ដោយសេចក្តីក្រៀមក្រំជាទីបំផុត។
លោកបានបន្តថាៈ ជានិច្ចកាលសម្តេចកិត្តិព្រឹទ្ធបណ្ឌិតប្រធាន តែងគិតគូរជានិច្ចអំពីសុខទុក្ខប្រជាពលរដ្ឋទូទៅ ដែលមានជីវភាពទីទ័លក្រខ្វះខាត ជនរងគ្រោះដោយគ្រោះ មហន្តរាយផ្សេងៗ និងជនងាយរងគ្រោះទាំងអស់ ដោយមិនប្រកាន់នូវវណ្ណៈពូជសាសន៍ សាសនា ពណ៌សម្បុរ ឬនិន្នាការនយោបាយអ្វីឡើយ។ ជាមួយគ្នានេះដែរលោកក៏បានឧទ្ទិសបួងសួងដល់គុណបុណ្យព្រះរតនត្រ័យ ទាំងបី សូមឲ្យដួងវិញ្ញាណក្ខន្ធសពបានចាប់បដិសន្ធិក្នុងសុគតិភពកុំបីឃ្លៀងឃ្លាតឡើយ។
សូមបញ្ជាក់ថា ៖ គ្រួសារនេះមានសមាជិកសរុប ៥ នាក់ ៖ ឪពុកឈ្មោះ ប៊ូ រិន អាយុ ៤១ ឆ្នាំ មុខរបរ ជាកសិករ ( នៅរស់ ) ,ម្តាយឈ្មោះ ព្រីង សុផៃ អាយុ ៣៨ ឆ្នាំ មុខរបរជាកសិករ ( នៅរស់ )។ ចំណែកកូនទាំងបីជាជនរងគ្រោះ ដែលបានស្លាប់បាត់បង់ជីវិតត្រូវជាបងប្អូនបង្កើត មានឈ្មោះ ១-រិន មករា អាយុ ១៩ ឆ្នាំ ,២-រិន ស្រីអូន អាយុ ១៤ ឆ្នាំ ,៣-រិន ស្រីរ័ត្ន អាយុ ១២ ឆ្នាំ មានទីលំនៅភូមិលេខ៥ ឃុំស្វាយរលំ ស្រុកស្អាង ខេត្តកណ្តាល។
អំណោយរួមមាន ៖ អង្ករ ៩០ គីឡូក្រាម, ទឹកក្រូច ៣កេស ,ទឹកសុទ្ធ ៣កេស ,មី ៣ កេស ,ទឹកត្រី ៣ យួរ ,ត្រីខកំប៉ុង ៣ យួរ និងថវិកាចំនួន២លានរៀល។
លោកវរសេនីយ៍ សេង សុជាតិអធិការនគរបាលស្រុកស្អាងបានអោយដឹងថា លទ្ធផលនៃការរុករកសាកសពបាត់ខ្លួន ករណី:លិចទូកក្នុងទន្លេបាសាក់ បណ្ដាលឲ្យ មនុស្សបាត់ខ្លួនចំនួន៣នាក់ កើតហេតុនៅថ្ងៃច័ន្ទ៥រោច ខែអស្សុជឆ្នាំច សំរឹទ្ធិស័កព.ស២៥៦២ ត្រូវនឹងថ្ងៃទី២៩ ខែតុលា គ.ស ២០១៨ ម៉ោង១៤.០០នាទី នៅភូមិលេខ៥ ឃុំស្វាយរលំ ស្រុកស្អាង ខេត្តកណ្ដាល។
ជនរងគ្រោះចំនួន០៣នាក់
១-ឈ្មោះ រិន មករា ភេទប្រុស អាយុ១៩ឆ្នាំ
២-ឈ្មោះ រិន ស្រីអូន ភេទស្រីអាយុ១៤ឆ្នាំ
៣-ឈ្មោះ រិន ស្រីរ័ត្ន ភេទស្រី អាយុ១២ឆ្នាំ(អ្នកទាំង៣នាក់ជាបងប្អូនបង្កើត) ទីលំនៅភូមិលេខ៥ ឃុំស្វាយរលំស្រុកស្អាងខេត្តកណ្ដាល ។ ឥឡូវនៅថ្ងៃពុធ០៧រោចខែអស្សុជឆ្នាំច សំរឹទ្ធិស័កព.ស២៥៦២
ត្រូវនឹងថ្ងៃទី៣១ ខែតុលាគ.ស២០១៨ វេលាម៉ោង ២៤និង១០នាទី សាកសពបានរកឃើញបានម្នាក់ទៀតហើយសរុប៖ ៣នាក់ ឈ្មោះរិនស្រីរត្ន័អាយុ១២ឆ្នាំនៅចំណុចជិតកន្លែងកើតហេតុចម្ងាយប្រហែល ៤គីឡូម៉ែត្រ។
សូមរំលឹកថា សោកនាដកម្មមួយគួរអោយសោកស្តាយ បណ្តាលអោយមនុស្សមួយគ្រួសារបានលិចទូកកណ្តាលទន្លេរ សង្គ្រោះបានពីនាក់ និងបាត់ខ្លួនបីនាក់ ខណៈកូនៗបបួលគ្នាជិះទូកដើរលេង។
ហេតុការណ៍គួរអោយសោកស្តាយនេះបានកើតឡើងនៅថ្ងៃច័ន្ទ៥រោចខែអស្សុជ ឆ្នាំច សំរិទ្ធឹស័កព.ស២៥៦២ ត្រូវនឹងថ្ងៃទី២៩ ខែតុលា គ.គ.ស២០១៨ វេលាម៉ោង១៤និង០០នាទី នៅភូមិលេខ៥ ឃុំស្វាយរលំ ស្រុកស្អាង ខេត្តកណ្ដាល។
លោកវរសេនីយ៍ សេង សុជាតិ អធិការនគរបាលស្រុកស្អាងបានប្រាប់អោយដឹងថា ជនរងគ្រោះចំនួន០៣នាក់ ទី០១ឈ្មោះ រិន មករា ភេទប្រុស អាយុ១៩ឆ្នាំ ទី០២ឈ្មោះ រិន ស្រីអូន ភេទស្រីអាយុ១៤ឆ្នាំ ទី០៣ឈ្មោះ រិន ស្រីរ័ត្ន ភេទស្រី អាយុ១២ឆ្នាំ(អ្នកទាំង៣នាក់ជាបងប្អូនបង្កើត)ទីលំនៅភូមិលេខ៥ ឃុំស្វាយរលំ ស្រុកស្អាងខេត្តកណ្ដាល ។
លោកអធិការបានបញ្ជាក់ថា នៅថ្ងៃខែឆ្នាំ វេលាម៉ោងកើតហេតុខាងលើ ឈ្មោះ រិន មករា(ជនរងគ្រោះ) និងមិត្តស្រី(ជាសង្សារ)ឈ្មោះ(មិនស្គាល់)ទើបមករស់នៅក្នុងផ្ទះរបស់ខ្លួន បានចំនួន០៣ថ្ងៃមកហើយ បានបបួលគ្នាជិះទូកលេង(តាមដងទន្លេបាសាក់)ដោយពួកខ្លួនមិនចេះបញ្ឆេះម៉ាស៊ីនបើកបរទូក ឈ្មោះ រិនមករា(ជនរងគ្រោះ) បានហៅឪពុករបស់ខ្លួនឈ្មោះ មួងរិន អាយុ៤០ឆ្នាំ មកបញ្ឆេះម៉ាស៊ីនបើកបរទូក ជូនពួកខ្លួនដើរលេង ហើយឈ្មោះមួង រិន ក៏បានហៅកូនស្រីបង្កើតរបស់ខ្លួនចំនួន០២នាក់ទៀត ឈ្មោះ រិន ស្រីអូន និងឈ្មោះរិន ស្រីរ័ត្ន ឡើងជិះទូកលេងជាមួយខ្លួន ដែរ។ ពេលដែលទូចបានបើកឃ្លាតចេញពីច្រាំងទន្លេបានចម្ងាយប្រវែងប្រហែល៤០ម៉ែត្រស្រាប់តែមានខ្យល់បក់ខ្លាំងបណ្ដាលអោយទូកលិចតែម្ដង ដោយមានការបង្ហើយហៅជួយពីពួកជនរងគ្រោះ ពេលនោះមានឈ្មោះវ៉េត ចាន់ភារុនភេទប្រុស បានហែលទឹកកាន់ប៊ីដុងទៅជួយ ពេលហែលទៅដល់ចំណុចកើតហេតុ ឈ្មោះ វ៉េត ចាន់ភារុន បានចាប់ដៃឈ្មោះ មួង រិន អោយស្រវាតោង ប៊ីដុងជាមួយខ្លួន ហើយក៏មានទូកចំនួន០១គ្រឿងទៀតបានអុំមកពីខាងត្រើយឃុំកោះអន្លងចិន មកជួយធ្វើការសង្គ្រោះ បានឈ្មោះ(មិនស្គាល់)ភេទស្រី១នាក់ទៀត ចំណែកជនរងគ្រោះចំនួន០៣នាក់ទៀតមានឈ្មោះ រិន មករា ភេទប្រុស ឈ្មោះរិន ស្រីអូន ភេទស្រីឈ្មោះ រិន ស្រីរ័ត្ន ភេទស្រី បានលិចលង់នៅក្នុងទឹកទន្លេ ជាមួយទូកបាត់ឈឹងតែម្ដង៕
Source: Kampuchea Thmey Daily
0 Comments