ភ្នំពេញ ៖ បន្ទាប់ពីធ្វើការផលិត និងបញ្ចប់ការថតដោយជោគជ័យផលិតកម្មRockថ្មីៗនេះបានប្រកាសត្រៀមចាក់បញ្ចាំងជាផ្លូវការនូវខ្សែភាពយន្តថ្មីរបស់ខ្លួនគឺរឿង កែវវេទមន្ត ។ ខណៈដែលខ្សែភាពយន្តរឿងនេះមានលក្ខណៈផ្តោតសំខាន់លើការអប់រំនិងស្នេហារវាងបុរសនិងនារីមួយគូស្រលាញ់គ្នារហូតបែកមុខមិនបានផងនោះ។
ជាការពិតបញ្ហារសជាតិស្នេហា ជារសជាតិឆ្ងាញ់ កើតពីបេះដូងបានភ្លក់រសជាតិគ្នាទៅវិញទៅមក លុះត្រាតែយើងម្នាក់ៗប្រសព្វយល់ចិត្តគ្នា ផ្តល់កិត្តិយស ផ្តល់ឱកាសឲ្យគ្នា។ ដូចស្នេហាក្នុង រឿងកែវវេទមន្ត កើតឡើងមកពីកែវកាហ្វេ ដែលមានអំណាចវេទមន្ត ឲ្យប្រុសស្រីពីរនាក់បានជួបគ្នា ស្រលាញ់គ្នា រហូតខ្វះគ្នាមិនបាន ប្រៀបដូចកាហ្វេនិងទឹក បើកាហ្វេមានតែគ្រាប់ ទឹកនៅតែជាទឹក ស្ករនៅដោយស្ករ ទឹកដោះគោនៅទីផ្សេង មិនបានរលាយចូលគ្នា តើធ្វើបែបណាទើបកាហ្វេឆ្ងាញ់បាន? ។
ប្រាកដណាស់លុះត្រាតែយកកាហ្វេលាយជាមួយស្ករ លាយជាមួយទឹកដោះគោ លាយជាមួយទឹក ហើយក៏មាន កែវវេទមន្ត សម្រាប់ផ្ទុកកាហ្វេជូនអ្នកញ៉ាំ ទើបធ្វើឲ្យកាហ្វេមានរសជាតិពិសេសសម្រាប់អ្នកញ៉ាំ។តើធ្វើបែបណាឲ្យស្នេហាឆ្ងាញ់ផ្អែមបានដូចកាហ្វេឆុងរួច?ដើម្បីស្រាយចម្ងល់ និងរកដំណោះស្រាយស្នេហា ។ វាមិនខុសនឹងរឿងរ៉ាវស្នេហារបស់មនុស្សប្រុស-ស្រីពីរនាក់នៅក្នុងសាច់រឿង កែវវេទមន្ត នេះផងដែរ។
សូមបញ្ជាក់ថាខ្សែភាពយន្តរឿង កែវវេទមន្ត ត្រូវបានផលិតកម្មRockប្រកាសត្រៀមចាក់បញ្ចាំងផ្លូវការនៅថ្ងៃ ព្រហស្បតិ៍ ទី ១៨ ខែតុលា ឆ្នាំ២០១៨ នៅគ្រប់រោងភាពយន្តទូទាំងរាជធានីភ្នំពេញនិងខេត្តសៀមរាប។ ដូច្នេះដើម្បីបានដឹងកាន់តែច្បាស់និងចង់ដឹងថានៅក្នុងសាច់រឿងទាំងមូលឆ្លុះបញ្ចាំងអំពីស្នេហាផ្អែមល្ហែមនិងឆ្លងកាត់ឧបសគ្គអ្វីខ្លះនោះ សូមទស្សនិកជនរង់ចាំទស្សនាទាំងអស់គ្នា៕
Source: Kampuchea Thmey Daily
0 Comments