អ្នកប្រដាល់ជើងខ្លាំងកម្ពុជា២រូប គឺវង្ស ណយ ក្លិបអាណាចក្រគុនខ្មែរ និង អ៊ូច ធារិទ្ធ ក្លិបអាណាចក្រគុនខ្មែរ នឹងត្រូវជួបប្រកួតជាមួយអ្នកប្រដាល់ថៃលើសង្វៀនបាយ័នស្ទឹងមានជ័យ នារសៀលថ្ងៃសៅរ៍ទី២០តុលា២០១៨នេះ។
វង្ស ណយ ត្រូវគេផ្តល់ឪកាសអោយជួបប្រកួតសងសឹកជាមួយអ្នកប្រដាល់ថៃឈ្មោះKhamlaipetch Phakthungchai។ពួកគេទាំងពីរ ជួបប្រកួតគ្នាក្នុងប្រភេទទម្ងន់៧០គីឡូក្រាម ។
Khamlaipetch អ្នកប្រដាល់ថៃរូបនេះ ធ្លាប់មកវាយនៅស្រុកខ្មែរច្រើនលើកហើយកន្លងមក ។ យ៉ាងណា Khamlaipetchជាជើងខ្លាំងមួយរូបនៅស្រុកថៃ ហើយមកវ៉ៃនៅស្រុកខ្មែរ ក៏កម្រមានអ្នកយកឈ្នះបានដែរ ។ គេធ្លាប់វាយឈ្នះរឿង សោភ័ណ្ឌពីរលើក ឈ្នះឡុង សុភីមួយលើក ឈ្នះឡុង សុវណ្ណឌឿនមួយលើក និងឈ្នះផុន ផាន់ណាមួយលើក ហើយក៏ធ្លាប់ចាញ់មឿន សុខហ៊ុចមួយលើក ចាញ់ព្រំ សំណាង ពីរលើក និងចុងក្រោយនេះ គេបានផ្តួលយកឈ្នះវង្ស ណយ ក្នុងទឹកទី២ កាលពីថ្ងៃទី២៩កញ្ញា២០១៧ ។ ដូច្នេះ វង្ស ណយមិនដឹងថា អាចសងសឹក Khamlaipetch បានសម្រេចឬអត់នោះឡើយ ? ។ នេះបើតាមប្រវត្តិរបស់ Khamlaipetch ។
វង្ស ណយ ពិបាកសង្ឃឹមឈ្នះ Khamlaipetch ណាស់ ។ តែបើធៀបជាមួយប្រវត្តិប្រកួតរបស់ពួកគេទាំងពីរវិញ Khamlaipetch មានត្រឹម១០៨លើក ឈ្នះ៨៨លើក ចាញ់១៨លើក និង ស្មើ០២លើក ខណះដែល វង្ស ណយ មានកំនត់ត្រាប្រកួតរហូតដល់១៨៧លើក ឈ្នះ១២៥លើក ចាញ់៥៧លើក និងស្មើ៥លើកនោះ ។
ទោះជាយ៉ាងនេះក្តី វង្ស ណយ មិនអាចមើលងាយ Khamlaipetch បានឡើយ ព្រោះអ្នកប្រដាល់ថៃរូបនេះ មិនសាមញ្ញនោះទេ ព្រោះគេធ្លាប់ឈ្នះជើងខ្លាំងរបស់កម្ពុជាច្រើនរូបហើយ គឺបញ្ជាក់ថា គេមិនអន់នោះទេ រឿងអីគេខ្លាចការសងសឹករបស់វង្ស ណយនោះ? ។
ចាំមើល វង្ស ណយ អាចយកឈ្នះ Khamlaipetch បានឬអត់? ។ វង្ស ណយ គេប្រកួតជាមួយថៃចុងក្រោយនេះ វាយឈ្នះអ្នកប្រដាល់ថៃ Jaisu ក្នុងទឹកទី៣ កាលពីថ្ងៃទី ១៩សីហា២០១៨កន្លងទៅនេះ ។
ចំពោះអ្នកប្រដាល់ជើងខ្លាំងកម្ពុជាប៉ោ ភារិទ្ធ ឬយ៉េន ឌីណា នឹងត្រូវជួបសាកកណ្តា ប់ដៃជាមួយអ្នកប្រដាល់ថៃ Fanimit Phran26 ។ ពួកគេប្រកួតគ្នាក្នុងប្រភេទទម្ងន់៦៣,៥០០ គីឡូក្រាម ។
Fa Nemith ជាអ្នកប្រដាល់ថៃដែលធ្លាប់មកប្រកួតនៅស្រុកខ្មែរម្តងពីរដងហើយកន្លងមក ។ អ្នកប្រដាល់ថៃនេះ មានកំនត់ត្រាប្រកួតចំនួន៦៧លើក ឈ្នះ៥៥លើក ចាញ់១១លើក ស្មើ០១លើក ។ អ្នកប្រដាល់ថៃម្នាក់នេះ មានកាយសម្បទារឹងមាំ មានកម្ពស់ប្រហាក់ប្រហែលប៉ោ ភារិទ្ធដែរ គឺ១,៧០ម៉ែត្រ ហើយភារិទ្ធ១,៦៨ម៉ែត្រ ។ តែយ៉ាងណា Fa Nemithមិនដឹងថា អាចវាយឈ្នះអ្នកប្រដាល់កម្ពុជាប៉ោ ភារិទ្ធ បានឬអត់នោះទេ? ។
ប៉ោ ភារិទ្ធ ជាអ្នកប្រដាល់ជើងខ្លាំងជើងចាស់ ដែលធ្លាប់ប្រកួតជាមួយអ្នកប្រដាល់ថៃរាប់សិបនាក់ហើយនាពេលកន្លងមក ដែលការជួបថៃចុងក្រោយគេនោះ ភារិទ្ធ វាយឈ្នះPhat Ngenthong ក្នុងទឹកទី៣ កាលពីថ្ងៃទី ១១ មីនា ២០១៨កន្លងទៅនេះ ។ និយាយជារួម ក្នុងការប្រកួតចំនួន៧០លើក ប៉ោ ភារិទ្ធ វាយឈ្នះ៥៨លើក ចាញ់១២ លើក មិនដែលស្មើ ។
ភារិទ្ធ គេមានបទពិសោធន៍ច្រើនក្នុងការប្រកួត ដោយគេវាយជាមួយថៃដូចវាយជាមួយខ្មែរគ្នាឯងអីចឹង គឺគ្មានញញើតខ្លាចអ្វីបន្តិចទេ ។ ភារិទ្ធ មានកណ្តាប់ដៃល្អ វាយចេញចូលរហ័ស ហើយស្នៀតទាត់និងជង្គង់ កែង ក៏ល្អថែមទៀត ប៉ុន្តែមួយរយៈចុងក្រោយនេះ គេរាងចុះខ្សោយ ។
យ៉ាងណា សំរាប់ការជួបអ្នកប្រដាល់ថៃFanimit លើកនេះ គេមានជំនឿទុកចិត្តលើ ប៉ោ ភារិទ្ធ ថានឹងអាចយកឈ្នះFanimitនេះបានមិនខាន ព្រោះថាអ្នកប្រដាល់ថៃរូបនេះ គេមកប្រកួតលើកចុងក្រោយនេះ វាយចាញ់ឃុន ឌីម៉ា មុនទឹកទី៥ ។
ទោះជាយ៉ាងណា អ្នកប្រដាល់ថៃរូបនេះ មិនប្រាកដថាចាញ់ប៉ោ ភារិទ្ធ នោះឡើយ ហើយប៉ោ ភារិទ្ធ ក៏មិនប្រាកដថាអាចយកឈ្នះ Fanimit នេះ បានឬអត់នោះដែរ ?ព្រោះប៉ោ ភារិទ្ធ មួយរយៈចុងក្រោយនេះ គេស្រុតធ្លាក់ចុះខ្សោយច្រើនជាងមុន ។
ចំពោះការប្រកួតរវាងអ្នកប្រដាល់រួមជាតិវិញ ចាន់ គឹមលន់ អ្នកប្រដាល់ក្លិបនិរោធមានជ័យ នឹងត្រូវជួបប្រកួតជាមួយ អេវ៉ាវាន់ ចាន់រាជ អ្នកប្រដាល់ក្លិបកុសលកីឡាដោយ ប្រកួតក្នុងទម្ងន់៥៧គីឡូក្រាម ៕
Source: Kampuchea Thmey Daily
0 Comments