ព្រះវិហារ ៖ នៅថ្ងៃទី៤ ខែវិច្ឆិកា ឆ្នាំ២០១៨ឃាត់ខ្លួនជនសង្ស័យម្នាក់ តាមពាក្យបណ្តឹង ពីជនរងគ្រោះឈ្មោះ ប៉េង សុថិត ភេទស្រី អាយុ៥៦ឆ្នាំ ស្ថិតភូមិស្រះឈូក សង្កាត់កំពង់ប្រណោក ខេត្តព្រះវិហារ ករណីឆរបោកម៉ូតូ កាលថ្ងៃទី៣ ខែវិច្ឆិកា ឆ្នាំ២០១៨។
ជនសង្ស័យឈ្មោះ ពុំ ភ័ក្ត្រ ភេទប្រុស អាយុ២៦ឆ្នាំ ជនជាតិខ្មែរ មានទីលំនៅបច្ចុប្បន្ន ភូមិអង្គខ្លើ ឃុំត្បែង ស្រុកកណ្តាលស្ទឹង ខេត្តកណ្តាល មុខរបរជាងឈើ បានយកម៉ូតូជនរងគ្រោះ ម៉ាកស៊ុយស៊ូគីនិក ពណ៌ស បិទស្កុតពណ៌ស្លាទុំ គ្មានស្លាកលេខ។
សមត្ថកិច្ចបានឲ្យដឹងថាជនសង្ស័យត្រូវបានបញ្ជូនខ្លួនពីអធិការដ្ឋាននគរបាលក្រុងបានលុងមកកាន់ស្នងការដ្ឋាននគរបាលខេត្តព្រះវិហារ ដើម្បីបន្តសាកសួរនិងកសាងសំណុំរឿងបញ្ជូនទៅកាន់តុលាការដើម្បីវិនិច្ឆ័យទោសតាមផ្លូវច្បាប់៕
Source: Kampuchea Thmey Daily
0 Comments