ភ្នំពេញ ៖ កម្លាំងល្បាតអាវុធហត្ថរាជធានីភ្នំពេញ នាថ្ងៃទី១៧ ខែវិច្ឆិកា បានកសាងសំណុំរឿងបញ្ជូនជនសង្ស័យប្រុសស្រីចំនួន៧នាក់ ទៅតុលាការ ដើម្បីសាកសួរបន្តក្រោយពីធ្វើការឃាត់ខ្លួនពាក់ព័ន្ធករណីគ្រឿងញៀន រួមនឹងក្រាមពណ៌សថ្លា ០៦កញ្ចប់(ប្រភេទម៉ាទឹកកក) ក្នុងខណ្ឌឫស្សីកែវ និងខណ្ឌទួលគោក ០៤ទីតាំងផ្សេងគ្នា ក្នុងភូមិសាស្ត្ររាជធានីភ្នំពេញនាថ្ងៃទី១៥វិច្ឆិការួចមក។
មន្ត្រីអាវុធហត្ថរាជធានីបានឲ្យដឹងថា ជនសង្ស័យប្រុសស្រីទាំង ០៧នាក់ ដែលអាវុធហត្ថបង្ក្រាបបាននេះរួមមានទី១/ ឈ្មោះ វឿន វណ្ណី ហៅយាយមាន់ ភេទស្រី អាយុ ៣៨ឆ្នាំ ,ទី២/ ឈ្មោះ សេង តូច ភេទស្រី អាយុ ៣៨ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌឫស្សីកែវ ឃាត់ខ្លួនបានកាលពីវេលាម៉ោង១៦និង១០នាទី និងម៉ោង១៧និង១៥នាទី នៅចំណុច ផ្លូវរថភ្លើង ភូមិចុងខ្សាច់ សង្កាត់ទួលសង្កែ១ និងផ្លូវបេតុង(ប្រឡាយ)ក្រុម៧ ភូមិឡកំបោរ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។ទី៣/ ឈ្មោះ ឃៀង ដារ៉ា ភេទប្រុស អាយុ ,ទី៤/ ឈ្មោះ ហេង ចន្នី ភេទប្រុស អាយុ ៣៩ឆ្នាំ ,ទី៥/ ឈ្មោះ ភា វុទ្ធ ភេទប្រុស អាយុ ២៥ឆ្នាំ ,ទី៦/ ឈ្មោះ ឈឿន សារិន ភេទប្រុស អាយុ២១ឆ្នាំ ,ទី៧/ ឈ្មោះ ភី ហ៊ី ភេទប្រុស អាយុ២២ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌទួលគោក ឃាត់ខ្លួនបានកាលពីវេលាម៉ោង១៩និង២០នាទី និងម៉ោង២០និង៣០នាទី នៅចំណុច ផ្លូវ៣៣៦ ម្តុំច្រកធ្យូង សង្កាត់បឹងសាឡាង និងផ្លូវ២៧២ សង្កាត់ផ្សារដើមគរ ខណ្ឌទួលគោក រាជធានីភ្នំពេញ។
ប្រភពបន្តថា ដោយមានវត្ថុតាងនិងឯកសារគ្រប់គ្រាន់នោះ បច្ចុប្បន្នជនសង្ស័យប្រុសស្រីទាំង ០៧នាក់ ខាងលើ ត្រូវបានសមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសំណុំរឿង បញ្ជូនទៅតុលាការ ដើម្បីចាត់ការតាមច្បាប់៕
Source: Kampuchea Thmey Daily
0 Comments