ភ្នំពេញ ៖ ផ្លូវបេតុងផ្សារទួលពង្រ ក្នុងភូមិទួលពង្រ សង្កាត់ចោមចៅ១ ខណ្ឌពោធិ៍សែនជ័យ កំពុងក្លាយជាកន្លែងគំនរសំរាម ជះក្លិនស្អុយអសោច ដល់អ្នកធ្វើដំណើរឆ្លងកាត់ និងប្រជាពលរដ្ឋរស់នៅតំបន់នោះជាប្រចាំ។
ប្រជាពលរដ្ឋបានលើកឡើងថា សំរាមដែលគរនៅជាប់ចិញ្ចើមផ្លូវ ហើយមានប្រវែងប្រហែល៥០ម៉ែត្រនោះ គឺកើតចេញដោយសារបងប្អូនប្រជាពលរដ្ឋជាច្រើនបាននាំគ្នាយកសំរាមមកបោះចោលតាមគ្នា រហូតក្លាយជាគំនរ និងមានប្រវែងប្រហែល៥០ម៉ែត្រ ធ្វើឲ្យមានក្លិនស្អុយអសោចដល់អ្នកធ្វើដំណើរឆ្លងកាត់ប៉ះពាល់ដល់បរិស្ថាន និងខូចសុខភាពទៀតផង។
ពួកគាត់បានបន្តថា គំនរសំរាមទាំងនេះ គឺមិនដែលឃើញក្រុមហ៊ុនស៊ិនទ្រីចុះមកប្រមូលនោះទេ មិនដឹងថា តើអាជ្ញាធរបានសហការជាមួយក្រុមហ៊ុន ឬ អត់ ???។
ពួកគាត់ សូមសំណូមពរដល់អាជ្ញាធរសង្កាត់ ឬ ខណ្ឌ សូមមេត្តាចុះពិនិត្យ និងជួយឲ្យខាងក្រុមហ៊ុនស៊ិនទ្រី ចុះមកកើបសំរាមឲ្យអស់ផង កុំឲ្យទុកទាល់តែស្អុយបែបនេះអី ព្រោះពួកគាត់ពិបាករស់នៅខ្លាំងណាស់ ម្យ៉ាងទៀត ពិបាកភ្នែកមើលណាស់ ក្រឡេកទៅឃើញតែសំរាម៕
Source: Kampuchea Thmey Daily
0 Comments