ភ្នំពេញ ៖ សពបុរសម្នាក់ ត្រូវបានប្រជាពលរដ្ឋធ្វើដំណើរឆ្លងកាត់ទីនោះប្រទះឃើញក្នុងប្រឡាយទឹកមានសភាពហើយស្អុយទៅហើយយ៉ាងហោចណាស់ក៏ស្លាប់បី ឬ បួនថ្ងៃនោះដែរ បន្ទាប់ពីប្រទះឃើញក៏នាំគ្នាភ្ញាក់ផ្អើលនិងរាយការណ៍ទៅសមត្ថកិច្ចមូលដ្ឋានកាលពីម៉ោង៣រសៀលថ្ងៃទី១៩ ខែវិច្ឆិកា ឆ្នាំ២០១៨ ស្ថិតនៅក្រោយផ្សារត្រពាំងថ្លឹងក្នុងភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ។
បុរសរងគ្រោះខាងលើនោះ មិនត្រូវបានស្គាល់អត្តសញ្ញាណនិងអាយុប៉ុន្មាននៅឡើយទេ ស្លៀកខោជើងវែងពណ៌ខ្មៅ ពាក់អាវពណ៌ផ្ទៃមេឃដៃខ្លី និងអាវយឺតក្នុងវាលក្លៀក ហើយសាកសពបានហើមស្អុយមើលលែងស្គាល់ទៅហើយ។ ចំណែកការស្លាប់ក៏មិនទាន់ដឹងពីមូលហេតុនៅឡើយ ប៉ុន្តែសង្ស័យជាអំពើឃាតកម្មព្រោះតែរឿងអ្វីមួយ។
តាមប្រភពព័ត៌មានបានឲ្យខឹងថា នៅមុនពេលមានការភ្ញាក់ផ្អើល មានបុរសម្នាក់ធ្វើដំណើរឆ្លងកាត់ទីនោះបានធុំក្លិនស្អុយចម្លែកក៏បានក្រឡេកមើលទៅក្នុងទឹកប្រឡាយខាងលើ ស្រាប់តែមានការភ្ញាក់ផ្អើលយ៉ាងខ្លាំង ព្រោះបានប្រទះឃើញសាកសពជនរងគ្រោះអណ្ដែតទឹកទើបស្រែកប្រាប់គេឯងឲ្យទៅមើលនិងរាយការណ៍ជូនអាជ្ញាធរនិងនគរបាលមូលដ្ឋាន។
បន្ទាប់មកនគរបាលការិយាល័យបច្ចេកទេសនៃស្នងការដ្ឋានរាជធានីភ្នំពេញ ចុះទៅពិនិត្យកោសល្យវិច័យនិងស្រាវជ្រាវរកសាច់ញាតិនិង មូលហេតុនៃការស្លាប់នេះ៕
Source: Kampuchea Thmey Daily
0 Comments