ភ្នំពេញ ៖ លោកចេង មុនីរ៉ា អភិបាលនៃគណៈអភិបាលខណ្ឌច្បារអំពៅ បានដាក់កម្លាំងចំរុះឲ្យចុះទៅហាមឃាត់រថយន្តធុនធំចូលក្នុងរាជធានីភ្នំពេញនាពេលថ្ងៃ។
កម្លាំងចំរុះដែលចុះទៅទប់ស្កាត់រថយន្តធុនធំចូលមកក្នុងរាជធានីភ្នំពេញនាពេលថ្ងៃនេះគឺតាមបណ្តោយផ្លូវជាតិលេខ១ត្រង់ផ្លូវបំបែកចូលទៅរោងចក្រផលិតស្រាបៀរថៃហ្គឺនិងមុខវត្តក្តីតាកុយហើយមួយកន្លែងទៀតគឺនៅក្រោមស្ពានព្រែកសំរោងផ្លូវលេខ៣៦៩។
ក្រៅពីនោះនៅតាមបណ្តាសង្កាត់ក្បែរសាលាខណ្ឌច្បារអំពៅក៏មានកម្លាំងចំរុះចុះទប់ស្កាត់កុំឲ្យមានរថយន្តធុនធំបើកចេញពីរោងចក្រផ្សេងៗឆ្លងស្ពានព្រះមុនីវង្សចាស់ឆ្ពោះទៅក្បាលថ្នល់។
ចំពោះវិធានការណ៍ទប់ស្កាត់រថយន្តធុនធំមិនឲ្យចូលរាជធានីនៅពេលថ្ងៃនេះគឺមានការគាំទ្រពីសំណាក់អ្នកដំណើរខ្លាំងណាស់។ ព្រោះរថយន្តធុនធំតែងបង្កការកកស្ទះចរាចរណ៍គ្រប់ពេលហើយពិសេសជាងនេះគឺបង្កគ្រោះថ្នាក់ដល់អាយុជីវិតអ្នកដំណើររួចឆ្លើយថា មកពីរថយន្តដាច់ហ្វ្រាំង៕
Source: Kampuchea Thmey Daily
0 Comments