រតនគិរី ៖ គោយន្តកែច្នៃដឹកឈើមួយគ្រឿង ខណៈបើកបរមិនប្រុងប្រយ័ត្ន បណ្ដាលឲ្យក្រឡាប់ធ្លាក់ផ្លូវដោយខ្លួនឯង ហើយបានសង្កត់លើបុរសម្នាក់ស្លាប់យ៉ាងសង្វេគ។
ហេតុការណ៍ក្រឡាប់គោយន្តកែច្នៃនេះ បានកើតឡើងកាលពីវេលាម៉ោង៧និង៤០នាទីព្រឹក ថ្ងៃទី១៦ ខែវិច្ឆិកា ឆ្នាំ២០១៨ នៅត្រង់ចំណុចអូរថ្ម ស្ថិតនៅក្នុងភូមិយ៉ែម ឃុំស៊ើង ស្រុកបរកែវ ខេត្តរតនគីរី។
នគរបាលស្រុកបរកែវបានឲ្យដឹងថា ជនរងគ្រោះឈ្មោះ វ៉ាន់ កុសល ភេទប្រុស អាយុ៣៣ឆ្នាំ ជនជាតិខ្មែរ រស់នៅភូមិដីដូ ឃុំជ័យឧត្ដម ស្រុកលំផាត់ ខេត្តរតនគីរី។
ក្រោយកើតហេតុ សមត្ថកិច្ចជំនាញ បានទៅដល់កន្លែងកើតហេតុ រួចបានប្រគល់សាកសពទៅឲ្យក្រុមគ្រួសារធ្វើបុណ្យតាមប្រពៃណីផងដែរ៕
Source: Kampuchea Thmey Daily
0 Comments