លក្ខណៈ​ពិសេស​៣​យ៉ាង​ ដែល​ធ្វើ​ឲ្យ Huawei ត្រកូល Mate20 ទទួល​បាន​ការ​គាំទ្រ​ខ្លាំង​

ភ្នំពេញ ៖ កំពូល​ស្មា​ត​ហ្វូ​ន​លំដាប់​កំពូល​របស់ Huawei ត្រកូល Mate20 មាន​ចំណុច​ទាក់ទាញ​ពិសេស​ៗ​ជាច្រើន ជាមួយនឹង​ភាពលេច​ធ្លោ​បី​ចំណុច​សំខាន់ៗ​ ដែល​ធ្វើ​ឲ្យ​មានការ​គាំទ្រ​យ៉ាងខ្លាំង និង​កក្រើក​ទីផ្សារ​ស្មា​ត​ហ្វូ​ន​ នៅ​ចុង​ឆ្នាំ​២០១៨​។​
​
លក្ខណៈ​ពិសេស​ទីមួយ ​គឺ​កំពូល​ស្មា​ត​ហ្វូ​ន Huawei ត្រកូល Mate20 បាន​បំពាក់​នូវ​បច្ចេកវិទ្យា​ដំបូង​គេ​បង្អស់​ក្នុង​ពិភពលោក​ជាច្រើន​ដូចជា​បន្ទះ​ឈី​ប Kirin 980 7nm ដែល​ធ្វើ​ឲ្យ​កំពូល​ស្មា​ត​ហ្វូ​ន​នេះ​ដំណើរការ​បាន​លឿន​គ្មាន​គូរ​ប្រៀប និង​បញ្ជូន​ទិន្នន័យ​បាន​លឿន​ជាង​ស្មា​ត​ហ្វូ​ន​ដទៃ​។

បច្ចេកវិទ្យា A76 Cortex CPU ថ្មី​ ដែល​អាច​រក្សា​ថាមពល​ថ្ម​បាន​ទ្វេដង បច្ចេកវិទ្យា​ថ្មី​ចុងក្រោយ​បំផុត GPU Mali-G76 ដែល​បង្ហាញ​កម្រិត​រូបភាព​ល្អឥតខ្ចោះ និង​អាច​លេង​ហ្គេម​គ្រប់​ប្រភេទ លឿន មិន​រអាក់រអួល​បន្ទះ​ឈី​ប Dual NPU AI ដែលមាន​សមត្ថភាព​ខ្ពស់​បំផុត​ ដើម្បី​ដំណើរការ​កម្មវិធី AI ដ៏​ឆ្លាត​វៃ Dual ISP ដែល​ជួយ​ឲ្យ​ដំណើរការ​កម្មវិធី​និ​មួយៗ​ បាន​រហ័ស​ទាន់​ចិត្ត និង​សន្សំ​ថាមពល​ថ្ម​បានល្អ​ជាង​មុន​នៅពេល​ប្រើ​កាមេរ៉ា បច្ចេកវិទ្យា 1.4Gbps 4.5G LTE ដែល​អ្នក​អាច​រីករាយ​ជាមួយ​ល្បឿន​លឿន​បំផុត​មិន​ធ្លាប់​មាន និង​អាច​ប្រើ​សេវា 4.5G LTE លក្ខណៈ​ពិសេស​ទី​ពីរ គឺ​កំពូល​កាមេរ៉ា​បី​គ្រាប់​របស់ Leica ដែលមាន​ទំហំ​ធំ និង​ផ្ដល់​បទពិសោធន៍​ថ្មី​បំផុត​ក្នុងការ​ថតរូប​បែប Ultra-Wide Angle ថតរូប​បាន​ជិត លម្អិត​បំផុត និង​ថត​ផ្ទៃ​រូបភាព​បាន​កាន់តែ​ធំ ទោះ​ស្ថិត​ក្នុង​ប្លង់​ចង្អៀត ក្នុង​កម្រិត​គុណភាព​ខ្ពស់​។

​លើសពីនេះទៅទៀត Telephoto lens អ្នក​អាច​ថតរូប​ដែល​នៅ​ឆ្ងាយ ដោយ​មិន​បាត់បង់​គុណភាព​ និង​ថត​ជាប់​ច្បាស់​ សូម្បីតែ​វត្ថុ​តូច​បំផុតៗ ដែល​អាច zoom បាន​រហូតដល់​៥ដង ក្នុង​កម្រិត​គុណភាព​ច្បាស់​ត្រជាក់​ភ្នែក​។

មិនតែប៉ុណ្ណោះ កំពូល​ស្មា​ត​ហ្វូ​ន​នេះ ក៏​បំពាក់​ដោយ​កាមេរ៉ា Master AI ស្គាល់​ប្លង់​ច្រើន​សំបូរ​បែប និង​ចាប់​បាន​ទេសភាព​បានល្អ​ឥត​ខ្ចោះ​។

រីឯ​ការថត​វី​ឌី​អូ​វិញ អ្នក​អាច​ថតរូប​បាន​កម្រិត 4K ច្បាស់​ដូច​ថត​ភាពយន្ត និង​ការថត​បែប Super Slow Motion ដែលមាន​គុណភាព​ខ្ពស់​។​
​
លក្ខណៈ​ពិសេស​ចុងក្រោយ​ គឺ​ថាមពល​ថ្ម​មាន​រហូតដល់ 4200mAh ដែល​អ្នក​អាច​ប្រើ​បាន​ពេញ​មួយថ្ងៃ ដោយ​លែង​បារម្ភ​រឿង​អស់​ថ្ម ហើយ​ជាពិសេស​ការផ្ទេរ​ថាមពល​ថ្ម​ឥត​ខ្សែ​ ដែល​ហៅថា Reversed Wireless Charge ដែល​អ្នក​គ្រាន់តែ​ដាក់​ទូរស័ព្ទ​ដទៃ​ដែល​អាច​ប្រើ wireless charge ជាប់​ ឬ​ក្រោយខ្នង​របស់​កំពូល​ស្មា​ត​ហ្វូ​ន​នេះ​ ដើម្បី​សាក​ថ្ម​។

កំពូល​ស្មា​ត​ហ្វូ​ន Mate20 មានតម្លៃ ៦៦៦ដុល្លារ និង Mate20Pro តម្លៃ ៨៨៨ដុល្លារ​ ថែម​ជញ្ជីង​សុខភាព Body Fat Scale ស៊ីម​ស្មា​ត​ និង​គម្រោង​ស្មា​ត​ធំ​ហ្មង​ឥតគិតថ្លៃ​។ អ្នក​អាច​រក​ទិញ​បាន​នៅ​ហាង​ដែល​មាន​ស្លាក​សញ្ញា​Huawei នៅ​ទូទាំង​ខេត្ត​/ក្រុង​។​

គួរ​បញ្ជាក់​ផងដែរ​ថា Huawei គឺជា​ម៉ាក របស់​ក្រុមហ៊ុន​ចិន​តែមួយគត់​ តែ​ស្ថិតក្នុង​ម៉ាក​ដែល​គេ​ឲ្យ​តម្លៃ​បំផុត ប្រចាំ​ឆ្នាំ២០១៨ ដែល​មាន​តម្លៃ​ម៉ាក​មាន តម្លៃ៨.៤​ពាន់​លាន​ដុល្លារ​អាមេរិក ទទួលស្គាល់​ដោយ Forbes​។​

https://www.youtube.com/watch?v=B4peGPoHpmE&feature=youtu.be&fbclid=IwAR17kdkXYlpX4QmQDBcjOGVl_YqAHvjvWaFlT-_g4cHrI3hwNbaujig0e10 យក​រូបភាព​នៅ​ទី​ឆ្ងាយ​បាន​យ៉ាង​មាន​ប្រសិទ្ធភាព ដោយ​គ្មាន​ការបាត់បង់​នូវ​គុណភាព​របស់​រូបភាព​នោះ​ទេ៕



​

Source: Kampuchea Thmey Daily