ភ្នំពេញ ៖ ក្រុមហ៊ុនCentury21 Cambodia និងក្រុមហ៊ុនCentury21មកពីប្រទេសចិនបានចាប់ដៃគ្នា ដើម្បីលក់អាគារពាណិជ្ជកម្មMorgan Towerតម្លៃ១៦០ដុល្លារអាមេរិក ដែលបាននិងកំពុងសាងសង់នៅទីក្រុងកោះពេជ្រ រាជធានីភ្នំពេញ។
ថ្លែងក្រោយចុះហត្ថលេខាលើអនុស្សរណៈដោយអនុញ្ញាតឲ្យក្រុមហ៊ុនCentury21ប្រចាំកម្ពុជា និងក្រុមហ៊ុនCentury21 មកពីប្រទេសចិនលក់គំរោងនេះផ្តាច់មុខ លោក Seraj Sutton ប្រធានប្រតិបត្តិការិយាល័យនៃក្រុមហ៊ុនCentury21 Cambodia ដែលជាក្រុមហ៊ុនភ្នាក់ងារអចលនទ្រព្យអន្តរជាតិ បានឲ្យដឹងថា ការសហការគ្នាក្នុងការលក់និងជួលគំរោងនេះជាមួយក្រុមហ៊ុនCentury21មកពីប្រទេសចិន ដោយសារប្រទេសចិនជាគោលដៅវិនិយោគដ៏មានសក្តានុពលមានអតិថិជនច្រើន មានឱកាសច្រើន ពិសេសក្រុមហ៊ុនទាំងនោះមានបទពិសោធន៍ច្រើន និងមានការិយាល័យលក់ច្រើននៅប្រទេសចិន។
លោកបានបន្តថា ម្យ៉ាងវិញទៀត ការសហការមួយនេះ ជាការសហការយូរអង្វែង ដោយ Centuy21 Cambodia តាមរយៈការិយាល័យទាំង២១ របស់ខ្លួនក្នុងប្រទេសកម្ពុជា នឹង ផ្តល់សេវាកម្មអចលនទ្រព្យបន្ថែមទៀត ចំពោះគម្រោង Morgan Tower នេះ ដូចជា ការដាក់ជួល និងលក់បន្តសម្រាប់អ្នកដែលបានវិនិយោគគំរោងនេះនាពេលអនាគតផងដែរ។
ចំណែក លោក Hu Sheng Gong អនុប្រធានក្រុមហ៊ុន Morgant Tower បានបញ្ជាក់ថា ការដែលដែលក្រុមហ៊ុនលោកធ្វើការវិនិយោគនៅកម្ពុជានេះគឺ ដោយសារតែយុទ្ធសាស្ត្រខ្សែក្រវាត់ និងផ្លូវសូត្រជាប្រទេសចិន និងដោយសារស្ថានភាពនយោបាយរបស់កម្ពុជាមានស្ថេរភាព ពិសេសរដ្ឋាភិបាល បានបង្កើតបរិយាកាសធុរកិច្ច សុវត្ថិភាពដែលគាំទ្រវនិយោគអាជីវកម្មល្អ។
លោកបន្តថា ទំនាក់ទំនងល្អរវាងប្រមុខរដ្ឋាភិបាលនៃប្រទេសទាំងពីរ ដែលរ៉ឹងមាំប្រៀបដូចដែកថែប ក៏ជាផ្នែកមួយយ៉ាងសំខាន់ ដែលជំរុញឲ្យលោកវិនិយោគគម្រោងដ៏ធំនេះ នៅរាជធានីភ្នំពេញផងដែរ។
អ្នកវិនិយោគគំរោងនេះ បានផ្តល់សិទ្ធិទៅភ្នាក់ងារលក់អចលនទ្រព្យដល់ក្រុមហ៊ុន Century21 Cambodia និងCentury21 China ដើម្បីសហការគ្នាផ្សព្វផ្សាយលក់គម្រោង Morgantឲ្យទទួលបានភាពជោគជ័យ។
Morgant Tower គឺជាអគារការិយាល័យស្តង់ដារ អេប្រាំ (A5) ដែលនឹងក្លាយជាតំបន់ពាណិជ្ជកម្មពិសេសក្នុងក្រុងភ្នំពេញ មានកម្ពស់រហូតដល់៤៦ជាន់ ស្មើនឹងកម្ពស់២១០ម៉ែត្រ ដែលបាននឹងកំពុងដំណើរការសាងសង់យ៉ាងសកម្ម។គំរោងនេះនឹងជាLandmarkថ្មីមួយសម្រាប់ទីក្រុងភ្នំពេញ ហើយវាជាគំរោងអាគារការិយាល័យ ខុនដូប្រកបដោយប្រណីតភាព និងទាន់សម័យ ដែលអ្នកស្នាក់នៅនឹងទទួលអារម្មណ៍ថា មានផាសុកភាព និងអាចគយគន់ទិដ្ឋភាពដ៏ប្រណីតនៃរាជធានីភ្នំពេញយោងតាមសេចក្តីប្រកាសព័ត៌មានបានឲ្យដឹងថា អ្នកវិនិយោគគំរោងនេះ នឹងទទួលបានការជួលត្រលប់មកវិញ និងទទួលបានប្រាក់ចំណេញពីការវិនិយោគ៨ភាគរយក្នុងមួយឆ្នាំ(Return of Investment)សម្រាប់រយៈពេល៥ឆ្នាំ៕
Source: Kampuchea Thmey Daily
0 Comments