ភ្នំពេញ ៖ កម្លាំងខណ្ឌ និងប៉ុស្តិ៍ឫស្សីកែវបានបើកការស្រាវជ្រាវឃាត់ជាក់ស្តែងករណីជួញដូរនិងប្រើប្រាស់សារធាតុញៀនដោយខុសច្បាប់ ឃាត់ខ្លួនជនសង្ស័យជាបន្តបន្ទាប់ចំនួន ០៣នាក់រួមទាំងថ្នាំញៀន៣ កញ្ចប់ កាលពីយប់ថ្ងៃទី២៦ខែធ្នូឆ្នាំ២០១៨ នៅភូមិផ្សារតូចសង្កាត់ទួលសង្កែ១ ខណ្ឌឫស្សីកែវ។
ប្រភពឲ្យដឹងថា ជនសង្ស័យទី០១ឈ្មោះ សំ ហាន ហៅម៉ៅ ភេទប្រុស អាយុ២៧ឆ្នាំ ស្នាក់នៅផ្ទះជួល ផ្លូវបេតុង ក្រុមទី១០ ភូមិសាមគ្គី សង្កាត់ឫស្សីកែវ ខណ្ឌឫស្សីកែវ មុខរបររើសអេតចាយ (ជួញដូរ) ០២ឈ្មោះ ហោ ចាន់ធី ភេទស្រី អាយុ២០ឆ្នាំ ស្នាក់នៅផ្ទះជួល ផ្លូវបេតុង ក្រុមទី១០ ភូមិសាមគ្គី សង្កាត់ឫស្សីកែវ ខណ្ឌឫស្សីកែវ មុខរបរនៅផ្ទះ។
ទី៣ ហេង សុផានិត ភេទប្រុស អាយុ១៦ឆ្នាំ មុខរបរក្រុមហ៊ុនKNSK នៅភូមិគៀនឃ្លាំងព្រែកលៀប។ សម្ភារៈដកហូតមាន ក្រាមពណ៌សថ្លាចំនួន ០៣កញ្ចប់តូច ប្រាក់សែន ក្រដាស១០ដុល្លា ចំនួន១៥សន្លឹក ប្រាក់ចំនួន ១១,៦០០ រៀលនិងឧបករណ៍ប្រើប្រាស់ថ្នាំញៀនមួយចំនួនចំពោះមុខផ្នែកជំនាញខណ្ឌប៉ុស្តិ៍កសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តន៍តាមនីតិវិធី៕
Source: Kampuchea Thmey Daily
0 Comments