ក្រុម Olympiakos បានទម្លាក់ក្រុម AC Milanចេញពីការប្រកួត Europa Leagueកាលពីថ្ងៃព្រហស្បតិ៍ ក្រោយពេលយកឈ្នះក្រុមជើងឯកបាល់ទាត់អឺរ៉ុប៧ជំនាន់មួយនេះ៣-១នៅជំនួបដ៏ស្វិតស្វាញមួយនៅក្នុងប្រទេសក្រិក ខណៈពេលដែលក្រុមអ្នកគាំទ្ររបស់ក្រុម Eintracht Frankfurt បាននាំគ្នារត់ធ្វើកុប្បកម្មអំឡុងជ័យជំនះរបស់ក្រុមអាល្លឺម៉ង់ពួកគេ លើក្រុម Lazio ហើយក្រុម Celtic បានឡើងដល់វគ្គចែកពូល Knockoutដូចគ្នា ថ្វីត្បិតតែចាញ់ក្រុម Salzburg នៅក្នុងទឹកដី Parkhead ក៏ដោយ។
បាល់ប៉េណាល់ទីរបស់ប្រធានក្រុម Kostas Fortounis នៅ៩នាទីពីម៉ោងបញ្ចប់ការប្រកួត បានមើលឃើញក្រុមក្រិក ឡើងទៅលេខរៀងទី២ក្នុងពូល Fមុនក្រុម AC Milan របស់លោក Gennaro Gattusoដែលបានគិតថា ពួកគេទំនងជាឆ្លងផុតហើយ ពេលដែលកីឡាករ Cristian Zapata ដណ្តើមបាន១គ្រាប់មកវិញ នៅរយៈពេលមិនដល់២នាទីផង ក្រោយធ្វើឲ្យក្រុមម្ចាស់ផ្ទះនាំមុខមុន០-២ដោយសារគ្រាប់បាល់ចូលទីខ្លួនឯង។
ក្រុម Olympiakos បានបញ្ចប់ពូលមាន១០ពិន្ទុស្មើជាមួយក្រុម AC Milanប៉ុន្តែពួកគេរកបានកៅអីលេងមុនក្រុមអ៊ីតាលីមួយនេះ ដោយសារតែខុសគ្នារឿងចំនួនគ្រាប់បាល់ខ្ពស់ជាង បន្ទាប់ពីជ័យជំនះ៣-១ របស់ក្រុម AC Milanលើក្រុមក្រិក កាលពីខែតុលា ហើយពួកគេបញ្ចប់ដំណាក់កាលពូលនេះ មាន២ពិន្ទុតាមពីក្រោយក្រុមឈ្នះពូល Real Betis ដែលបានទាត់ស្មើ០-០ជាមួយក្រុម Dudelange។
កីឡាករ Ignazio Abate គឺជាប្រធានក្រុម AC Milanបាននិយាយថា វាគឺជារាត្រីដ៏ឈឺចាប់មួយ យើងមិនគួរឡើយណារបូតគ្រាប់បាល់បែបហ្នឹងទាល់តែសោះ យើងគួរតែធ្វើបានល្អជាងនេះ ដើម្បីឆ្លងផុតដំណាក់កាលពូលមួយនេះ៕
Source: Kampuchea Thmey Daily
0 Comments