រតនគិរី ៖ ស្ត្រីវ័យក្មេងម្នាក់ឈ្លោះប្រកែកជាមួយប្តី ក៏សម្រេចចិត្តចង.ក សម្លាប់ខ្លួនឯងទាំងនៅវ័យក្មេង។
ករណីធ្វើអត្តឃាតនេះ កើតឡើង នៅថ្ងៃទី២៦ ខែមករា ឆ្នាំ២០១៩ នៅចំណុចចម្ការស្វាយចន្ទី លោក រចំ ហ្វឹល នៅភូមិកក់តូច ឃុំកក់ ស្រុកបរកែវ។
នគរបាលបានឲ្យដឹងថា ជនរងគ្រោះ ឈ្មោះ រម៉ាស ភៅ អាយុ១៧ឆ្នាំ ជនជាតិទំពួន រស់នៅភូមិ/ឃុំកើតហេតុខាងលើ។
នគរបាលបានបន្តទៀតថា ក្រោយពីទទួលបានព័ត៌មានរាយការណ៍ពីប្រជាពលរដ្ឋនូវហេតុការណ៍ខាងលើ កម្លាំងនគរបាលប៉ុស្តិ៍បានសហការជាមួយកម្លាំងជំនាញ ចុះពិនិត្យសាកសពឃើញថា ស្លាប់ដោយសារ ចង.ក ខ្លួនឯងពិតប្រាកដមែន។
នគរបាលបានបញ្ជាក់ទៀតថា មូលហេតុ នៃការធ្វើអត្តឃាតនេះ គឺដោយសារជនរងគ្រោះបានឈ្លោះប្រកែកគ្នាជាមួយប្តីបន្តិចបន្តួចប៉ុណ្ណោះ មិនដឹងថារឿងអ្វីនោះទេ។
បច្ចុប្បន្ន សព ត្រូវសមត្ថកិច្ចធ្វើកំណត់ហេតុប្រគល់ទៅឲ្យក្រុមគ្រួសារ និងសាច់ញាតិយកទៅធ្វើបុណ្យតាមប្រពៃណីជនជាតិដើមភាគតិច៕
Source: Kampuchea Thmey Daily
0 Comments