កោះកុង ៖ នៅវេលាម៉ោង ០៦និង១៥ព្រឹក នៅថ្ងៃទី ២៥ ខែមករា ឆ្នាំ ២០១៩ នៅលើផ្លូវ១៤៨៣ ស្ថិតក្នុងភូមិខ្លុង ឃុំស្រែអំបិល ស្រុកស្រែអំបិល មានករណីគ្រោះថ្នាក់ចរាចរណ៍ដែលបង្កដោយម៉ូតូ បុកមនុស្សដើរថ្មើរជើង ក្នុងទិសដៅស្របគ្នា ពីកើត ទៅលិច។
ជនបង្កបើកម៉ូតូ Wave ពណ៌ខ្មៅ គ្មានស្លាកលេខ បើកបរដោយឈ្មោះ ឌី ហ:សការ ភេទស្រី អាយុ១៥ឆ្នាំ មានទីលំនៅភូមិបានទៀត ឃុំដងពែង ស្រុកស្រែអំបិល បានធ្វើដំណើរមកដល់ចំណុចខាងលើ ក៏ចាំងផ្លាតនឹងភ្លើងរថយន្ត មើលមិនឃើញ ក៏បានទៅបុកនឹងពីរនាក់ប្តីប្រពន្ធ កំពុងដើរហាត់ប្រាណ បណ្តាលឲ្យស្លាប់ម្នាក់ ជនរងគ្រោះមានឈ្មោះ ម៉ាញ វិចិត្រ ភេទប្រុស អាយុ៤៥ឆ្នាំ ត្រូវជាប្តី បានរងរបួសធ្ងន់ និងឈ្មោះ ច សារឿន ភេទស្រី អាយុ ៣៤ឆ្នាំ ជាប្រពន្ធ រងរបួសធ្ងន់ បានស្លាប់ ពេលបញ្ជូនមកព្យាបាលនៅមន្ទីរពេទ្យ។
បច្ចុប្បន្នជនបង្ក និងវត្ថុតាងត្រូវបានសមត្ថកិច្ច ឃាត់មកអធិការដ្ឋានស្រែអំបិល ដើម្បីកសាងសំណុំរឿងចាត់ការតាមនីតិវិធី ចំពោះសពជនរងគ្រោះ ប្រគល់ជូនសាច់ញាតិ យកទៅធ្វើបុណ្យ នៅគេហដ្ឋាននៃសពតាមប្រពៃណី៕
Source: Kampuchea Thmey Daily
0 Comments