ភ្នំពេញ៖ យោងតាមរបាយការណ៍ពីនាយកដ្ឋាន ចរាចរណ៍ និងសណ្តាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់ថា កាលពីថ្ងៃទី១៨ ខែមករា ឆ្នាំ២០១៩ មានហេតុការណ៍គ្រោះថ្នាក់ចរាចរណ៍ នៅទូទាំងប្រទេសកើតឡើង ចំនួន៩លើក ( យប់២លើក ) បណ្តាលឲ្យមនុស្សស្លាប់ ៣នាក់ ( ស្រី៣នាក់ ) រងរបួសធ្ងន់១០នាក់ ( ស្រី១នាក់ ) និងរងរបួសស្រាល១នាក់ ( ប្រុស ) ក្នុងនោះគ្រោះថ្នាក់ចរាចរណ៍ ដោយមិនបានពាក់មួកសុវត្ថិភាព៦នាក់ ( ថ្ងៃ៣នាក់ )។
នៅក្នុងករណីគ្រោះថ្នាក់ចរាចរណ៍ទាំង៩លើកនេះ បានបណ្តាលឲ្យមានការខូចខាតយានយន្តសរុប ១៨គ្រឿង ក្នុងនោះមាន ម៉ូតូចំនួន៨គ្រឿង រថយន្តធុនតូច ចំនួន៧គ្រឿង និងរថយន្តធុនធំ ចំនួន៣គ្រឿង។
របាយការណ៍ខាងលើប្រាប់បន្តថា មូលហេតុ ដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ គឺបណ្តាលមកពី ល្មើសល្បឿន៥លើក ( ស្លាប់១នាក់ ) , មិនប្រកាន់ស្តាំ១លើក , និងបត់គ្រោះថ្នាក់ ៣លើក ( ស្លាប់២នាក់ )។
គ្រោះថ្នាក់នៅលើដងផ្លូវ រួមមាន ផ្លូវជាតិ ចំនួន៤លើក ផ្លូវខេត្ត ចំនួន៤លើក និងផ្លូវលំ ចំនួន១លើក ។ ដោយឡែកយានយន្តដែលបង្កហេតុ រួមមាន ម៉ូតូ ចំនួន៣លើក រថយន្តធុនតូច ចំនួន៤លើក និងរថយន្តធុនធំ ចំនួន២លើក។ រាជធានី ខេត្ត ដែលមានគ្រោះថ្នាក់ និងរងគ្រោះថ្នាក់រួមមាន ខេត្តកំពង់ចាម២លើក ស្លាប់២នាក់ ខេត្តក្រចេះ១លើក ស្លាប់១នាក់ និងភ្នំពេញ៣លើក របួស៧នាក់។
យោងតាមរបាយការណ៍ពីនាយកដ្ឋាន ចរាចរណ៍ និងសណ្ដាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់បញ្ជាក់ឲ្យដឹងថា គ្រោះថ្នាក់ចរាចរណ៍ រយៈពេល១៨ថ្ងៃ គិតចាប់ពីថ្ងៃទី១ ដល់ថ្ងៃទី១៨ ខែមករា ឆ្នាំ២០១៩ កើតឡើង១៨៨លើក បណ្តាលឲ្យមនុស្សស្លាប់៨១នាក់ របួសសរុប៣០៥នាក់ ក្នុងនោះរបួសធ្ងន់១៩៧នាក់ និងរងរបួសស្រាល១០៨នាក់៕
Source: Kampuchea Thmey Daily
0 Comments