ឧត្តរមានជ័យ ៖ លោកវរសេនីយ៍ត្រី សំ សាត ឋានៈ អធិការរង បានដឹកនាំកម្លាំងអន្តរាគមន៍ សហការជាមួយកម្លាំងប៉ុស្តិ៍អំពិល ចេញល្បាតនៅតាមភូមិសាស្ត្រសំខាន់ៗ កាលពីវេលាម៉ោង២១និង៥៩នាទី ថ្ងៃទី២៤ ខែកុម្ភៈ ឆ្នាំ២០១៩ ហើយបង្ក្រាបបានករណីលេងល្បែងស៊ីសងខុសច្បាប់ នៅចំណុចភូមិ ចាន់ក្រហមសែនជ័យ ឃុំអំពិល ស្រុកបន្ទាយអំពិល ខេត្តឧត្តរមានជ័យ នៅផ្ទះរបស់ឈ្មោះ ហេង សារឿន ភេទប្រុស ដោយបានឃាត់ខ្លួនមនុស្សចំនួន០៣នាក់។
សមត្ថកិច្ចបានឲ្យដឹងថា ក្រុមនាក់លេងល្បែងស៊ីសងចំនួន៣នាក់ខាងលើនោះ មានឈ្មោះដូចខាងក្រោម ៖
១.ឈ្មោះ សុខ ពៅ ភេទប្រុស អាយុ៥៥ឆ្នាំ រស់នៅភូមិជប់គគីរខាងកើត ឃុំអំពិល ស្រុកបន្ទាយអំពិល ខេត្តឧត្តរមានជ័យ។
២.ឈ្មោះ ថៃ សុភាក់ អាយុ៣៥ឆ្នាំ រស់នៅភូមិចាន់ក្រហមសែនជ័យ ឃុំអំពិល ស្រុកបន្ទាយអំពិល ខេត្តឧត្តរមានជ័យ។
៣.ឈ្មោះ ហឿន ហួន ភេទប្រុស អាយុ៤៩ឆ្នាំ រស់នៅភូមិចាន់ក្រហមសែនជ័យ ឃុំអំពិល ស្រុកបន្ទាយអំពិល ខេត្តឧត្តរមានជ័យ។
សមត្ថកិច្ចបានបន្តឲ្យដឹងថា ករណីនេះយើងដកហូតបានសន្លឹកបៀរចំនួន០១ប្រអប់ ស្មើនឹង៥២សន្លឹក កម្រាលក្រាល០១ យើងបានយកមកអធិការដ្ឋាននគរបាលស្រុកដើម្បីធ្វើការអប់រំណែនាំ និងធ្វើកិច្ចសន្យារួចហើយបានបញ្ជូនឲ្យត្រឡប់ទៅផ្ទះវិញ៕
Source: Kampuchea Thmey Daily
0 Comments