ការប្រកួតកីឡាសូហ្វតិន្នីសជើងឯកជាតិ ឆ្នាំ២០១៩ ដែលចាប់ផ្ដើមពីថ្ងៃទី៥មករា នោះ បានបញ្ចប់ហើយនៅវេលាថ្ងៃត្រង់ ថ្ងៃទី៩មីនា។
ការប្រកួតនេះមានកីឡាករ-កីឡាការិនីចូលរួមចំនួន៨០នាក់ ដែលក្នុងនោះមាន៣០រូប ជាកីឡាការិនី ។ ពួកគេមកពីសមាគម-ក្លិបចំនួន៧ គឺ ក្រសួងមហាផ្ទៃ អគ្គស្នងការនគរបាលជាតិ ក្រសួងការពារជាតិ អង្គការមិត្តសម្លាញ់ ខេត្តកំពង់ស្ពឺ កំពង់ឆ្នាំង និងខេត្តព្រៃវែង។
វិញ្ញាសាដែលដាក់ឲ្យប្រកួតមានចំនួន៩ គឺវិញ្ញាសាឯកត្តជនយុវជនអាយុក្រោម១៥ឆ្នាំ។ វិញ្ញាសាឯកត្តជនយុវជន អាយុក្រោម១៨ឆ្នាំ វិញ្ញាសាវាយគូចម្រុះបុរស-នារី (Mix Double) វិញ្ញាសាវាយគូបុរស (ខ)(Men ‘sDouble-B)។ វិញ្ញាសាឯកត្តជននារី វិញ្ញាសាវាយគូនារី ឯកត្តជនបុរស(ក) វិញ្ញាសាវាយគូបុរស(ក) និង វិញ្ញាសាប្រកួតជាក្រុមបុរសដែលមួយក្រុមមាន៦រូប។
ចំពោះលទ្ធផលវិញនោះ ក្រសួងមហាផ្ទៃ ដណ្ដើមបានមេដាយមាសចំនួន៤គ្រឿង ប្រាក់៤គ្រឿង និងសំរឹទ្ធ៩គ្រឿង។ ក្រសួងការពារជាតិដណ្ដើមបានមេដាយមាសចំនួន២គ្រឿង ប្រាក់៣គ្រឿង។ អគ្គស្នងការនគរបាលជាតិ ដណ្ដើមបានមេដាយមាស២គ្រឿង ប្រាក់១គ្រឿង និង សំរឹទ្ធ៤គ្រឿង។ ចំពោះខេត្តកំពង់ស្ពឺដណ្ដើមបានមេដាយមាស១គ្រឿង សំរឹទ្ធ១គ្រឿង៕
Source: Kampuchea Thmey Daily
0 Comments