ករណីរាតត្បាតដោយសារជំងឺអេបូឡានៅក្នុងប្រទេសកុងហ្គោបច្ចុប្បន្ននេះ បានកើនឡើងដល់១០០០ករណីហើយ។ នេះជាការលើកឡើងពីក្រសួងសុខាភិបាលកាលពីថ្ងៃចន្ទ ដោយចំនួនមនុស្សស្លាប់វិញក៏បានកើនឡើងដល់ទៅ៦២៩នាក់នៅក្នុងពេលកើតមានជំងឺដ៏អាក្រក់នេះជាលើកទីពីរនៃពិភពលោក។
បុគ្គលិកសុខាភិបាល បានត្រៀមរៀបចំឲ្យបានប្រសើរជាងពីពេល ដែលជំងឺគ្រុនឈាមដែលបង្កឲ្យកើតមានអាការៈក្អួតធ្ងន់ធ្ងររាករូស និងហូរឈាម ហើយបានសម្លាប់មនុស្សអស់ដល់ទៅជាងចំនួនពាក់កណ្តាលនៃអ្នកជំងឺអេបូឡានេះ។
បច្ចេកវិទ្យាថ្មីមានដូចជាការផ្តល់វ៉ាក់សាំងស្ថិតនៅក្នុងដំណាក់កាលពិសោធន៍ការព្យាបាលតាមលក្ខណៈពិសោធន៍និងការប្រើអង្គភាពចល័តដើម្បីទប់ស្កាត់និងព្យាបាលដល់អ្នកជំងឺបានជួយទប់ទល់ការរាលដាលនៃការឆ្លងវីរុសអេបូឡានេះបានខ្លះហើយ។
ប៉ុន្តែការយល់ច្រឡំជាសាធារណៈនិងការរំខានឆាឆៅដោយសារអសន្តិសុខនៅក្នុងផ្នែកជាច្រើននៃភាគខាងកើតសាធារណៈប្រជាធិបតេយ្យកុងហ្គោ ដែលវីរុសអេបូឡាបានរាតត្បាតនោះ នាំឲ្យមានការរំខានឆាឆៅចំពោះការឆ្លើយតបទៅនឹងការទប់ទល់នៃជំងឺដ៏អាសន្នមួយនេះនោះគឺជាការបង្កើតឲ្យមានការស្មុគស្មាញក្នុងការប្រយុទ្ធប្រឆាំងជាមួយនឹងអេបូឡា។
មជ្ឈមណ្ឌលព្យាបាលអេបូឡា៥កន្លែងរងការវាយប្រហារចាប់តាំងពីខែមុនកន្លងមកនេះ ដោយពេលខ្លះការវាយប្រហារប្រព្រឹត្តដោយក្រុមជនល្មើសប្រដាប់អាវុធ។ អំពើហិង្សាបាននាំឲ្យអង្គការសប្បុរសវេជ្ជសាស្ត្របារាំងគឺគ្រូពេទ្យគ្មានព្រំដែនត្រូវព្យួរចោលសកម្មភាពរបស់ខ្លួននៅកន្លែងចំណុចកណ្តាលនៃការផ្ទុះឡើងនៃជំងឺអេបូឡានេះ កាលពីខែមុន។
ជាលទ្ធផលវិញនោះ ករណីកើតមានជំងឺមរណៈជាលើកទី២នេះគឺស្ថិតនៅពីក្រោយករណីកើតមាននៅលើកទីមួយកាលពីឆ្នាំ២០១៣-២០១៦នៅអាហ្វ្រិកខាងលិច ដែលត្រូវបានគេជឿថាបានសម្លាប់មនុស្សដល់ទៅជាង១១០០០នាក់៕
Source: Kampuchea Thmey Daily
0 Comments