ភ្នំពេញ ៖ បុរសម្នាក់ ដែលជាកម្មករក្នុងក្រុមហ៊ុនតបណ្តាញខ្សែកាបបានឆក់ខ្សែភ្លើងធ្លាក់ពីលើបង្គោលមកដីសន្លប់ធំសង្ស័យមិនរស់។
ហេតុការណ៍នេះ កើតឡើងនៅម៉ោង៩និង៣០នាទីព្រឹក ថ្ងៃទី២២ ខែមីនា នៅតាមបណ្តោយផ្លូវសឡា ក្បែរស្ថានីយទូរទស្សន៍បាយ័ន ស្ថិតនៅក្នុងសង្កាត់ស្ទឹងមានជ័យទី១ ខណ្ឌមានជ័យរាជធានីភ្នំពេញ។
តាមប្រភពព័ត៌មានពីលោកវរសេនីយ៍ត្រីម៉ៅ សាវឿន នាយនគរបាលប៉ុស្តិ៍ស្ទឹងមានជ័យទី១បានឲ្យដឹងថា រឿងហេតុនេះ ពិតជាមានករណីឆក់ខ្សែភ្លើងទៅលើបុគ្គលិកតបណ្តាញខ្សែកាបនៅចំណុចខាងលើមែន ប៉ុន្តែនៅពេលដែលសមត្ថកិច្ចទៅដល់ គឺជនរងគ្រោះត្រូវបានក្រុមកម្មករដូចគ្នាដឹកយកទៅសង្គ្រោះនៅមន្ទីរពេទ្យបាត់ទៅហើយ។ មកដល់ថ្ងៃនេះ មិនទាន់មានព័ត៌មានពីការរងរបួស ឬ ស្លាប់ពីជនរងគ្រោះឡើយ៕
Source: Kampuchea Thmey Daily
0 Comments