រដ្ឋមន្ត្រីការបរទេសកម្ពុជា ទទួលជួបពិភាក្សាការងារជាមួយលេខាបក្សកុម្មុយនិស្ត ខេត្តយូណាន នៃប្រទេសចិន

Cambodia News March 27, 2019

ភ្នំពេញ ៖ នៅវេលាម៉ោង៩និង០៥នាទីព្រឹក ថ្ងៃទី២៧ ខែមីនា ឆ្នាំ២០១៩ នេះ ឯកឧត្ដមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជា បានទទួលជួប លោក ឈិន ហាវ លេខាបក្សកុម្មុយនិស្តខេត្តយូណាន នៃប្រទេសចិន នៅទីស្ដីការក្រសួង។

នៅក្នុងជំនួបពិភាក្សានោះ ឯកឧត្ដមឧបនាយករដ្ឋមន្ត្រី ប្រាក់ សុខុន បានសម្ដែងការស្វាគមន៍ចំពោះដំណើរទស្សនកិច្ចរបស់ប្រតិភូលេខាបក្សកុម្មុយនិស្តខេត្តយូណាន នៃសាធារណរដ្ឋប្រជាមានិតចិន ហើយឯកឧត្ដម បានវាយតម្លៃខ្ពស់ចំពោះដំណើរទស្សនកិច្ចរបស់គណៈប្រតិភូ ទៅកាន់ខេត្តសៀមរាប នៃប្រទេសកម្ពុជា ដោយបានចាត់ទុកថាដំណើរទស្សនកិច្ចនោះ ទទួលបានជោគជ័យយ៉ាងល្អប្រសើរ។

ជាមួយនោះ ឯកឧត្ដមឧបនាយករដ្ឋមន្ត្រី ក៏បានសំដែងការអបអរសាទរចំពោះការរីកចម្រើនផ្នែកសេដ្ឋកិច្ច នៅខេត្តយូណាន នៃសាធារណរដ្ឋប្រជាមានិតចិន ដែលមានជិត 9 ភាគរយ និងមានផ្ទៃដីធំជាងប្រទេសកម្ពុជាពីដង ហើយមានប្រជាពលរដ្ឋរស់នៅរហូតជាងបីដង នៃប្រជាជនកម្ពុជា ហើយឯកឧត្ដមឧបនាយករដ្ឋមន្ត្រី ក៏សម្ដែងក្តីរីករាយនៅពេលដែលឃើញទំនាក់ទំនងរវាងខេត្តយូណាន ក៏ដូចជាសាធារណរដ្ឋប្រជាមានិតចិន ជាមួយប្រទេសកម្ពុជា រីកចម្រើនកាន់តែខ្លាំងក្លាថែមទៀត ហើយតែរហូតមកដល់ពេលនេះឈរនៅលំដាប់ នៃទំនាក់ទំនងយូរអង្វែងរវាងប្រទេសទាំងពីរ ក៏ដូចជាធូរនៅលើស្ថានភាពជាមិត្តជិតស្និទ្ធ ដឹងជាអ្នកជិតខាងល្អ នឹងក្លាយជាដៃគូយុទ្ធសាស្ត្រគ្រប់ជ្រុងជ្រោយ ហើយដំណើរទស្សនកិច្ចរបស់ ឯកឧត្ដម នាពេលនេះ បានរួមចំណែកកាន់តែប្រសើរថែមទៀតនៅក្នុងការពង្រឹងទំនាក់ទំនងរវាងប្រទេសទាំងពីរ។

សូមបញ្ជាក់ថា បន្ទាប់ពីជំនួប ក៏មានពិធីចុះហត្ថលេខារវាងភាគីចិន និងលោកជំទាវអគ្គនាយកអាស៊ី-ប៉ាស៊ីហ្វិក ជាគឹមថា ក្រោមអធិបតីភាពរបស់ឯកឧត្តមឧបនាយករដ្ឋមន្ត្រី ប្រាក់ សុខុន៕