កំពង់ស្ពឺ ៖ បុរសម្នាក់ ក្តៅចិត្ត ខឹងនឹងប្អូនស្រីបង្កើត ក៏បានប្រើបាទដៃទះកំផ្លៀង បណ្ដាលឲ្យហូរឈាមចម្រុះ រួចទាញកាំបិតផ្គាក់ប៉ុនប៉ងកាប់ឲ្យស្លាប់ ប៉ុន្តែត្រូវបានអ្នកភូមិនាំគ្នាជួយអន្តរាគមន៍ឃាត់ខ្លួនប្រគល់ជូននគរបាល ដើម្បីចាត់ការតាមផ្លូវច្បាប់។
ករណីអំពើហិង្សាវាយ និងប៉ុនប៉ងកាប់ប្អូនស្រីបង្កើតនេះ កើតឡើង នៅថ្ងៃអាទិត្យ ៦កើត ខែផល្គុន ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី១០ ខែមីនា ឆ្នាំ២០១៩ នៅចំណុចភូមិតាឡាក់ ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ។
ជនសង្ស័យមាន ឈ្មោះ វឿន ពេជ្រ ភេទប្រុស អាយុ២៦ឆ្នាំ រស់នៅភូមិ/ឃុំកើតហេតុខាងលើ។ ចំណែកនារីរងគ្រោះ ឈ្មោះ វឿន ស្រីរ័ត្ន អាយុ២១ឆ្នាំ រស់នៅភូមិ ឃុំជាមួយគ្នា ត្រូវជាប្អូនស្រីបង្កើត។
នគរបាលនិយាយថា មុនពេលកើតហេតុ ជនសង្ស័យជាបងប្រុស បានសុំលុយប្អូនស្រីរបស់ខ្លួនមិនបាន ទើបប្រើបាតដៃរន្ទះទះកំផ្លៀងប្អូនស្រីឈាមច្រមុះរួចទាញកាំបិតផ្គាក់ដេញកាប់ ប៉ុន្តែសំណាងល្អត្រូវអ្នកភូមិជួយអន្តរាគមឃាត់ទាន់ពេលវេលាកុំអីក្លាយជាអំពើហិង្សាកាន់តែធ្ងន់ធ្ងរជាក់ជាមិនខាន។
បច្ចុប្បន្ន ជនសង្ស័យសមត្ថកិច្ចកំពុងកសាងសំណុំរឿងតាមនីតិវិធីដើម្បីចាត់ការបន្តតាមផ្លូវច្បាប់៕
Source: Kampuchea Thmey Daily
0 Comments