កំពង់ចាម ៖ ករណី ក្មេងស្រីវ័យជំទង់ចេញពីផ្ទះ គ្មានដំណឹង កាលពីថ្ងៃទី១៨ ខែមីនា ឆ្នាំ២០១៩ វេលាម៉ោង២៣និង៣០នាទី នៅមហាសៀកលើ ឃុំមហាខ្ញូង ស្រុកកោះសូទិន ខេត្តកំពង់ចាម ត្រូវបានសមត្ថកិច្ច និងក្រុមសាច់ញាតិរកឃើញវិញហើយ កាលពីថ្ងៃទី២០ ខែមិនា ឆ្នាំ២០១៩។
ប៉ូលិសបានឲ្យដឹងថា តាមការស្រាវជ្រាវ ក្មេងស្រីដែលបានបាត់ខ្លួននេះ ឈ្មោះ ហ៊ែត ធារ៉ា អាយុ១៦ឆ្នាំ មិនបានជួបគ្រោះថ្នាក់អ្វីទេ គឺនាងទៅលេងផ្ទះបងប្អូននៅរាជធានីភ្នំពេញ តែមិនបានប្រាប់ឪពុកម្ដាយឲ្យដឹងឡើយ ព្រោះនាងខ្លាចឪពុកមិនឲ្យដើរ។
លុះដល់ថ្ងៃទី២០ ខែមិនា ឆ្នាំ២០១៩ វេលាម៉ោង១១និង០០នាទី អាណាព្យាបាលរបស់នាង បានតាមរកនៅផ្ទះបងប្អូនសាច់ញាតិរបស់ខ្លួន ហើយបានជួបកូននៅចំណុចទំនប់កប់ស្រូវ(រាជធានីភ្នំពេញ) ៕
Source: Kampuchea Thmey Daily
0 Comments