កណ្តាល ៖ ជនល្មោភកាមម្នាក់ ត្រូវបាននគរបាលស្រុកខ្សាច់កណ្តាលធ្វើការឃាត់ខ្លួនចាប់វាយខ្នោះ បន្ទាប់ពីបានប្រើល្បិច ល្បួងក្មេងស្រីថាទៅមើលគេជល់មាន់រួច ដឹកយកទៅរំលោភក្នុងព្រៃ។
ហេតុការណ៍នេះ បានកើតឡើងនៅថ្ងៃពុធ ១កើត ខែផល្គុន ឆ្នាំច សំរឹទ្ធស័ក ពុទ្ធសករាជ ២៥៦២ ត្រូវនឹងថ្ងៃទី០៦ ខែមីនា ឆ្នាំ២០១៩ វេលាម៉ោង ១៧និង៣០ នាទី ត្រង់ចំណុចភូមិត្រាំងលើ ឃុំតាឯក ស្រុកខ្សាច់កណ្តាល ខេត្តកណ្តាល និងឃាត់ខ្លួនបាននៅថ្ងៃទី១១ ខែមីនា ឆ្នាំ២០១៩។
ជនរងគ្រោះ ភេទស្រី អាយុ ៥ ឆ្នាំ ជនជាតិខ្មែរ មុខរបរក្នុងបន្ទុក មានទីលំនៅភូមិ ត្រាំងលើ ឃុំតាឯក ស្រុកខ្សាច់កណ្តាល ខេត្តកណ្តាល។
ជនសង្ស័យឈ្មោះ ធី ម៉េងជី ភេទប្រុស អាយុ១៥ឆ្នាំ ជនជាតិខ្មែរ មុខរបរកសិករ មានទីលំនៅភូមិត្រាំងលើ ឃុំតាឯក ស្រុកខ្សាច់កណ្តាល ខេត្តកណ្តាល
បើតាមបណ្តឹងរបស់អាណាព្យាបាលជនរងគ្រោះបានអោយដឹងថា នៅមុនពេលកើតហេតុជនរងគ្រោះកំពុងអង្គុយលេងនៅផ្ទះយាយខេង ស្រាប់តែជនសង្ស័យបានជិះកង់ទៅជួបជនរងគ្រោះហើយបបួលជនរងគ្រោះដោយកុហកថា៖ "ម៉ោះទៅមើលគេជល់មាន់" ពេលនោះជនរងគ្រោះក៏ឡើងជិះកង់ពីមុខជនសង្ស័យ រួចជនសង្ស័យជិះឌុបជនរងគ្រោះទៅក្នុងព្រៃចម្ការស្វាយ ពេលទៅដល់ជនសង្ស័យធ្វើសកម្មភាពចាប់រំលោភជនរងគ្រោះ។
នគរបាលប៉ុស្តិ៍បានបញ្ជាក់ថា នៅថ្ងៃទី១១ ខែមីនា ឆ្នាំ២០១៩ ទើបជនរងគ្រោះមកដាក់ពាក្យបណ្តឹងនៅអធិការដ្ឋាននគរបាលស្រុក។
កម្លាំងផ្នែកយុត្តិធម៌ចុះស្រាវជ្រាវឃាត់ខ្លួនបញ្ជូនមកអធិការដ្ឋាននគរបាលស្រុកបន្តចាក់ការតាមនីតិវិធី៕
Source: Kampuchea Thmey Daily
0 Comments