ភ្នំពេញ ៖ តារាចម្រៀងស្រីរបស់ផលិតកម្មអ៊ឹម ទឹកមុខមានមន្តស្នេហ៍ កញ្ញា ស៊ឹម ថៃណា ថ្មីៗនេះបានធ្វើឲ្យមហាជន និងអ្នកលេងបណ្ដាញសង្គមហ្វេសប៊ុកជាច្រើន មានការភ្ញាក់ផ្អើល ចាប់អារម្មណ៍ខ្លាំង ក្រោយពេលដែលតារាស្រីរូបនេះ បានបញ្ចេញរូបភាពសិចស៊ី បង្ហាញគល់សុដន់ ជាសាធារណៈនៅលើបណ្ដាញសង្គម។
ការទម្លាយរូបភាពសិចស៊ីរបស់ តារាចម្រៀងស្រី កញ្ញា ស៊ឹម ថៃណា ពេលនេះ បានធ្វើឲ្យអ្នកគាំទ្រមួយចំនួនយល់ឃើញថា នេះ អាចជាចេតនារបស់នាង ដើម្បីទាញយកការចាប់អារម្មណ៍ពីទស្សនិកជន ខណៈដែលអាជីពសិល្បៈរបស់ ថៃណា អំឡុងពេលមួយរយៈចុងក្រោយនេះ ហាក់ស្ងប់ស្ងាត់ច្រើនជាងពេលមុនៗផងនោះ។
តាមរយៈការបង្ហោះរូបភាពសិចស៊ីរបស់ កញ្ញា ស៊ឹម ថៃណា ខាងលើនេះដែរ ភ្លាមៗនោះ មិនត្រឹមតែអ្នកគាំទ្រមួយចំនួនបានចាប់អារម្មណ៍ចូល Comment បញ្ចេញមតិរិះគន់ និងសរសើរខ្លះនោះទេ គឺមានបណ្តាសារព័ត៌មានក្នុងស្រុកមួយចំនួន ក៏បានយកទៅសរសេរចុះផ្សាយព្រោងព្រាតផងដែរ។
ប៉ុន្តែ នាងក៏បានបញ្ចេញប្រតិកម្មឆ្លើយតបវិញដែរថា ជាតិនេះខ្លួនគ្មានអ្វីបង្អួតគេទេក្រៅពីកេរ្តិ៍ដែលម៉ែចែកឲ្យ និងសម្រស់បន្តិចបន្តូចហ្នឹង។
កញ្ញា ស៊ឹម ថៃណា បានបញ្ជាក់បែបនេះថា អរគុណបងប្អូនខាងសារព័ត៌មាន…កើតមកមួយជាតិធាតុមួយចាន គ្មានអ្វីអួតនឹងគេទេ ក្រៅពីកេរ្តិ៍ដែលម៉ែចែកឲ្យ គឺសម្រស់បន្តិចបន្តួចនេះ។
សូមបញ្ជាក់ថា ការបញ្ចេញប្រតិកម្មរបស់តារាចម្រៀង កញ្ញា ស៊ឹម ថៃណា ខាងលើនេះ ធ្វើឡើងស្របពេលដែលនាងបានបង្ហោះនូវរូបភាពសិចស៊ីមួយសន្លឹកភ្ជាប់នឹងការសរសេរថា មនុស្សខ្ញុំអាក្រក់ត្រង់ថាគិតអ្វី ចង់អ្វី គឺនិយាយភ្លាម ចរិតហ្សីន គឺអញ្ចឹង អត់ក្រែងចិត្តអ្នកណា សុំទោសដល់អ្នកដែលទទួលរង….។ ប៉ុន្តែទន្ទឹមគ្នានោះដែរ ក៏ស្រាប់តែមានការរិះគន់មួយចំនួនពីមហាជនលើករណីនេះ៕
Source: Kampuchea Thmey Daily
0 Comments