ភ្នំពេញ ៖ បុរសជាប្ដីមានអាយុចាស់ជាងប្រពន្ធបន្ដិច ទើបប្រពន្ធបានលួចទាក់ទងស្នេហាជាមួយប្រុសក្មេងជាងប្ដីបានដេកជាមួយគ្នាញឹកញាប់តែប្ដីគ្មានភស្តុតាង ទើបនាងប្រកែកញ៉ាញតែលើកនេះបុរសជាប្ដី ចំណាយពេលតាមដានប្រពន្ធជាបន្ដទៀតទើបឃើញជាក់នឹងភ្នែកហើយឆ្លៀតថតរូបនាងទុកជាភស្តុតាងទៀតផង។
ហេតុការណ៍នេះ កើតឡើងកាលពីវេលាម៉ោង៧និង៣០៥នាទី ព្រឹកថ្ងៃទី៦ ខែមេសា ឆ្នាំ២០១៩ ស្ថិតនៅបន្ទប់ជួលក្នុងភូមិព្រៃល្វា សង្កាត់ចោមចៅ២ ខណ្ឌពោធិ៍សែនជ័យ។
តាមប្រភពព័តមានបានឲ្យដឹងថា ស្ត្រីជាប្រពន្ធត្រូវបានស្គាល់ឈ្មោះ ខៀវ ស្រីនី អាយុ៣២ឆ្នាំ ជាកម្មការិនីរោងចក្រ ហុងវ៉ា ស្នាក់នៅភូមិសាមគ្គី២ សង្កាត់ត្រពាំងក្រសាំង ខណ្ឌពោធិ៍សែនជ័យ មានស្រុកកំណើតភូមិព្រៃផ្ចឹក ឃុំធាយ ស្រុកបាភ្នំ ខេត្តព្រៃវែង ។ ភាគីជាប្រុសសហាយ មានឈ្មោះ ម៉ា ណារ៉ុង អាយុ៣៦ឆ្នាំ ជាកម្មកររោងចក្រហុងវ៉ាជាមួយគ្នា ស្នាក់នៅបន្ទប់ជួលក្នុងភូមិព្រៃល្វា សង្កាត់ចោមចៅ២ ខណ្ឌពោធិ៍សែនជ័យ មានស្រុកកំណើតនៅភូមិត្រោក ឃុំត្នោត ស្រុកកំពង់រោទ៍ ខេត្តស្វាយរៀង។ ដោយឡែក បុរសជាប្តីមាន ឈ្មោះទេព សាវ៉េត អាយុ៥៥ឆ្នាំ ជាមន្ត្រីរាជការ មានកូន២នាក់ (ប្រុសម្នាក់ស្រីម្នាក់) ក្នុងបន្ទុកគ្រួសារ ដែលប្ដីប្រពន្ធ១គូនេះបានរៀបការពេញច្បាប់ជាមួយគ្នាអស់រយៈពេលជិត១០ឆ្នាំមកហើយ។
បើតាមបុរសប្តីបានឲ្យដឹងថា កន្លងមកគាត់មានការសង្ស័យថា ប្រពន្ធគាត់មានសហាយចឹងដែរតែនៅពេលគាត់និយាយទៅនាងប្រកែកញ៉ាញរហូត តែគាត់បានធ្វើការណែនាំថាអាណិតកូន ផងបើបែកបាក់គ្នាវាមិនស្រួលទេ តែនាងហាក់មិនរវល់ខ្វល់យកចិត្តទុកដាក់នូវពាក្យណែនាំរបស់ប្ដីខ្លួនឡើយ។ ប៉ុន្ដែរហូតមកដល់ថ្ងៃកើតហេតុនេះ ខ្លួនមានការសង្ស័យទៀត ហើយខណៈប្រពន្ធទាញម៉ូតូជិះចេញពីផ្ទះប្រាប់ថា ទៅធ្វើការនោះ ខ្លួនក៏បានតាមដានពីក្រោយ ជាបើរហូត។
នៅពេលតាមដានឲ្យដល់ទីបញ្ចប់ទើបដឹងការពិតថា ប្រពន្ធមិនបានជិះម៉ូតូទៅធ្វើការនៅរោងចក្រនោះទេ បែរនាងជិះមករកបន្ទប់ប្រុសសាហាយនោះទៅវិញ ស្ថិតក្នុងភូមិព្រៃល្វានេះសង្កាត់ចោមចៅទី២ ខណ្ឌពោធិ៍សែនជ័យ។ ពេលនោះដោយសារទ្រាំលែងបាន ក៏បានធាក់ទ្វារបន្ទប់ចូលទៅ ក៏ឃើញប្រពន្ធនិងប្រុសសហាយច្បាស់នឹងភ្នែក គឺកំពុងដោះសម្លៀកបំពាក់បម្រុងរួមភេទជាមួយគ្នា ទើបខ្លួនបានយកទូរស័ព្ទមកថតពួកគេទាំង២នាក់ទុកជាភស្តុតាងតែម្ដង។ បន្ទាប់មកលោកបានប្ដឹងសមត្ថកិច្ចឲ្យទៅឃាត់ខ្លួនដើម្បីសួរនាំ៕
Source: Kampuchea Thmey Daily
0 Comments