រដ្ឋមន្ត្រីដែលទទួលបន្ទុកព្រឹត្តិការណ៍កីឡាអូឡាំពិក Tokyo 2020 របស់ប្រទេសជប៉ុន បានចុះចេញពីតំណែងរបស់លោកកាលពីថ្ងៃពុធ ក្រោយសេចក្តីអធិប្បាយជាច្រើន ត្រូវបានគេមើលឃើញថា ជាការឈឺចាប់ចំពោះអ្នករស់រានពីរលកយក្សស៊ូណាមិ ឆ្នាំ២០១១។
ការចុះចេញពីតំណែងរបស់លោក Yoshitaka Sakurada បានកើតមានឡើងរយៈពេល៥០០ថ្ងៃប៉ុណ្ណោះ មុនពេលទីក្រុងតូក្យូ ធ្វើម្ចាស់ផ្ទះព្រឹត្តិការណ៍ Summer Games និងបន្ទាប់ពីការសម្រេចចិត្តរបស់ប្រធានគណៈកម្មាធិការកីឡាអូឡាំពិកជប៉ុន បានចុះចេញពីតំណែងដូចគ្នា ខណៈពេលដែលក្រុមអាជ្ញាធរបារាំង បានស៊ើបអង្កេតរូបគាត់។
នាយករដ្ឋមន្ត្រីជប៉ុន លោកហ្ស៊ីនហ្សូ អាបេ បាននិយាយប្រាប់ក្រុមអ្នកសារព័ត៌មានថា លោក Sakurada បានស្នើសុំចុះចេញពីតំណែង ក្រោយពេលលោកធ្វើឲ្យឈឺចាប់ជនរងគ្រោះពីការរញ្ជួយដី និងរលកយក្សស៊ូណាមិ ហើយលោកក៏ព្រមទទួលយកការសម្រេចចិត្តនេះផងដែរ។
លោកអាបេ បានបន្តថា លោកសុំទោសចំពោះអនុសាសន៍របស់លោកចំពោះប្រជាជននៅក្នុងតំបន់រងគ្រោះដោយសារគ្រោះមហន្តរាយ ហើយលោកសូមទទួលខុសត្រូវចំពោះការតែងតាំងលោក Sakurada ជារដ្ឋមន្ត្រីកីឡាអូឡាំពិក។
ទូរទស្សន៍ NHK បានរាយការណ៍ថា ការចុះចេញពីតំណែងនេះដែរ ក្រោយលោក Sakurada បានធ្វើសេចក្តីអធិប្បាយនៅការជួបជុំមួយ ពីឥទ្ធិពលរបស់ក្រុមតំណាងរាស្ត្រពីតំបន់គ្រោះគ្រោះដោយសារគ្រោះមហន្តរាយ សំខាន់ជាងការស្តាតំបន់នោះទៅទៀត៕
Source: Kampuchea Thmey Daily
0 Comments