ពិធីឡើងគ្រងរាជសម្បត្តិរបស់ព្រះមហាក្សត្រ Maha Vajiralongkorn នៃប្រទេសថៃ បានចាប់ផ្តើមនៅថ្ងៃសៅរ៍ជាមួយពិធីតាមបែបហិណ្ឌូនិងព្រះពុទ្ធសាសនា, ពីរឆ្នាំបន្ទាប់ពីការសោយទិវង្គតរបស់បិតាទ្រង់។
ដោយចាប់ផ្តើមនៅវេលាល្អម៉ោង១០:០៩នាទី, សាធារណជនបានមើលឃើញទិដ្ឋភាពដ៏កម្រក្នុងមួយជីវិតនៅពេលដែលពិធីសាសនាសំខាន់ៗនៃពិធីគ្រងរាជ្យសម្បត្តិរយៈពេល៣ថ្ងៃនេះបានចាប់ផ្តើម។
ព្រះអង្គ Vajiralongkorn គឺជាស្តេចទី១០នៃរាជវង្សចក្រីដែលបានសោយរាជ្យចាប់តាំងពីឆ្នាំ១៧៨២មក។
ពិធីថ្ងៃសៅរ៍បានចាប់ផ្តើមដោយព្រះមហាក្សត្របានទទួលទឹកពិសិដ្ឋដែលយកមកពីទូទាំងប្រទេសថៃ ហើយជូតសើៗលើព្រះភ័ក្ត្ររបស់ទ្រង់នៅទីសក្ការបូជាមួយខាងក្នុងព្រះបរមរាជវាំង។
កាំភ្លើងធំកិត្តិយសបានបាញ់ដើម្បីប្រារព្ធពិធីហើយឧបករណ៍ភ្លេងបុរាណបានបន្លឺឡើងខណៈព្រះសង្ឃបានសូត្រធម៌៕ AFP
Source: Kampuchea Thmey Daily
0 Comments