ពួកអ្នកស៊ើបអង្កេតរបស់អាមេរិក និងឥណ្ឌូណេស៊ី ពីរឿងធ្លាក់យន្ដហោះមានប្រវត្ដិសាស្ដ្ររួមមួយដែលជួនកាលមានទំនាក់ទំនងតានតឹងដែលកំពុងវិលត្រឡប់ទៅរកចុងទសវត្សរ៍ឆ្នាំ១៩៩០ ដែលពួកមន្ដ្រីសហរដ្ឋអាមេរិកនិយាយថា អាចប៉ះពាល់ដល់ការស៊ើបអង្កេតយន្ដហោះ Air Asia នាពេលបច្ចុប្បន្ននេះ។
កេរ្ដិ៍ដំណែលនោះក៏អាចពន្យល់បានខ្លះពីមូលហេតុដែលថា ភាគីទាំងពីរកំពុងពិភាក្សានៅឡើយពីការចូលរួមដែលមានសក្ដានុពលរបស់សហរដ្ឋអាមេរិកនៅក្នុងការស៊ើបអង្កេតយន្ដហោះ ៨៥០១ ជិតរយៈពេលពីរសប្ដាហ៍ក្រោយពីយន្ដហោះ A320 មានអ្នកធ្វើដំណើរ១៦២នាក់ជិះនៅលើនោះបានបាត់ពីរ៉ាដាក្នុងខណៈពេលកំពុងហោះនៅជិតខ្យល់ព្យុះតាមផ្លូវទៅកាន់ប្រទេសសិង្ហបុរីក្នុងដំណើរមកពីស៊ូរ៉ាបាយ៉ា។
នៅក្រុងវ៉ាស៊ីនតោន ស្ដ្រីអ្នកនាំពាក្យម្នាក់របស់គណៈកម្មការសុវត្ថិភាពដឹកជញ្ជូនជាតិ (NISB) និយាយថា ពួកមន្ដ្រីកំពុងរង់ចាំការអញ្ជើញមួយឲ្យចូលរួមនៅក្នុងការស៊ើបអង្កេតចម្រុះជាតិដែលរួមមាន ឧស្សាហកម្មបារាំង និងពួកអ្នកជំនាញការរដ្ឋាភិបាលស្រេចហើយនោះ។
ផ្ទុយទៅវិញពួកមន្ដ្រីនៅក្នុងទីក្រុងហ្សាការតានិយាយថា សហរដ្ឋអាមេរិកនឹងត្រូវស្វាគមន៍ឲ្យចូលរួម ហើយគេរំពឹងថា NISB នឹងចូលរួមនៅក្នុងការស៊ើបអង្កេតនោះជាយថាហេតុ។
ពួកអ្នកជំនាញការសហរដ្ឋអាមេរិកក៏បានចូលរួមនៅក្នុងការស៊ើបអង្កេតរឿងធ្លាក់យន្ដហោះរបស់ឥណ្ឌូណេស៊ីផ្សេងទៀតកាលពីពេលថ្មីៗនេះដែរ៕
រឹទ្ធ
0 Comments