តាមប្រភព CNN បានឲ្យដឹងថា រហូតមកដល់ថ្ងៃនេះ គិតជាមធ្យមមានមនុស្ស៦នាក់ត្រូវបាត់បង់ជីវិតដោយសារការពុលសុរា ហើយនេះគឺជាតួលេខដ៏គួរភ្ញាក់ផ្អើលមួយ ប្រៀបធៀបទៅនឹងកត្ដានៃមរណភាពផ្សេងៗទៀត នេះបើយោងតាមការឲ្យដឹងដោយការសិក្សាស្រាវជ្រាវថ្មីមួយពីមជ្ឈមណ្ឌលបង្ការ និងត្រួតពិនិត្យជំងឺរបស់សហរដ្ឋអាេមរិក។
គិតរហូតមកដល់ពេលនេះ បើតាមការឲ្យដឹងពីស្ថាប័ន CDC អាេមរិកថា គិតជាមធ្យមមានមនុស្ស២,២២១នាក់ហើយ ដែលបានស្លាប់ជារៀងរាល់ឆ្នាំ ដែលធ្វើឲ្យករណីនេះនាំមុខគេ ប៉ុន្ដែអាចបង្ការបាន។
ពាក្យថា ពុលសុរា គឺនៅពេលដែលមនុស្សម្នាក់ផឹកគ្រឿងពុលដែលជាភេសជ្ជៈមានជាតិស្រវឹង ហៅថា អាល់កុល ដោយបន្ទាប់ពីគេបានផឹកស្រាច្រើនមុខច្របូកច្របល់គ្នា។ នៅសហរដ្ឋអាេមរិក ពាក្យថា ផឹកស្រាច្រើនមុខច្របូកច្របល់គ្នានោះ មានន័យថា គេផឹកក្នុងពេលតែមួយនូវប្រភេទគ្រឿងស្រវឹងដល់ទៅ៥មុខ ឬក៏លើសពីនេះ ក្នុងរយៈពេលចាប់ពី២ទៅ៣ម៉ោង នេះបើយោងតាមការឲ្យដឹងពី CDC។ ចំពោះមនុស្សស្រីវិញ ការពុលសុរា ដោយផឹកច្រើនមុខគឺអាចចាប់ពី៤មុខឡើងទៅអាចនឹងស្លាប់បាន គឺក្នុងរយៈពេលដូចគ្នានឹងបុរសផងដែរ។
ថ្វីបើយ៉ាងដូច្នេះក៏ដោយ ក៏ការសិក្សាស្រាវជ្រាវកាលពីពេលថ្មីៗនេះ បានបង្ហាញឲ្យឃើញ ថា មានជនជាតិអាមេរិកាំងលើសពី៣៨លាននាក់ តែងតែមានទម្លាប់ផឹកស្រា ស្រាបៀរ ជាច្រើនមុខ ច្រើនម៉ាក ក្នុងពេលតែមួយ បានន័យថា យ៉ាងហោចក៏ផឹកដល់ទៅ៨ម៉ាកស្រាក្នុងរយៈពេលពី២ទៅ៣ម៉ោង។
នៅពេលអ្នករងការឈឺចាប់ ឬមានបញ្ហាពី ករណីពុលស្រាបានន័យថា ថ្លើមរបស់អ្នកមិនអាចទប់ទល់ជាមួយនឹងបរិមាណសុរា អាល់កុល នៅក្នុងរូបកាយរបស់អ្នកបានឡើយ។ សុរា ឬអាល់កុល គឺជាសារធាតុពុលមួយបែប ហើយថ្លើមរបស់អ្នកត្រូវតែច្រោះវាចេញពីឈាមនៅក្នុងរូបរាងកាយរបស់អ្នក ហើយអ្វីដែលថ្លើមមិនអាចចម្រោះបាននោះ គឺនៅពេលដែលបរិមាណជាតិស្រាស្ថិតនៅក្នុងឈាមរបស់អ្នកក្នុងកម្រិតមួយដ៏ខ្ពស់ ហើយច្របូកច្របល់ថែមទៀត។ មានករណីដ៏ធ្ងន់ គឺវាបានបំផ្លាញទាំងស្មារតី និងសុខភាពនៃរូបកាយ។ នៅពេលពុលសុរា មានន័យថា ដង្ហើមរបស់អ្នកកាន់តែធ្លាក់ចុះខ្សោយទៅ ហើយអាចដង្ហក់ពេលបេះដូងដើរញាប់ ជាមួយនឹងករណីដែលក្អួតចង្អោរទាំងមិនដឹងខ្លួនថែមទៀតផង៕
ស.ប.ឆ
0 Comments