ភ្នំពេញ ៖ បុរសចំនួន៦នាក់ ត្រូវបានសមត្ថកិច្ចចំរុះរបស់គណៈបញ្ជាការឯកភាព ខណ្ឌ សែនសុខចាប់ខ្លួនជាក់ស្តែង ពីបទជាប់ពាក់ព័ន្ធជួញដូរ និងប្រើប្រាស់គ្រឿងញៀន កាលពីល្ងាចថ្ងៃទី០៣ខែមករាឆ្នាំ ២០១៥ នៅក្នុងបន្ទប់ផ្ទះជួល ម្តុំមុខពេទ្យលោកសង្ឃ ស្ថិតក្នុងភូមិត្រពាំងឈូក សង្កាត់ទឹកថ្លា ខណ្ឌ សែនសុខ។
មនុស្សជាប់ចោទទាំង៦នាក់នោះ ១ឈ្មោះ ឆាយ ឡុង អាយុ២៣ឆ្នាំ ( ជាប់ចោទជួញដូរ ) មានទីលំនៅ សង្កត់បឹងសាឡាង ខណ្ឌទួលគោក។ ២ ឈ្មោះ ជឿន សុវណ្ណសំរិទ្ឋ អាយុ២២ឆ្នាំនៅសង្កាត់វាលវង់ ខណ្ឌ៧មករា។ ៣ ឈ្មោះ សំ តារា អាយុ១៨ ឆ្នាំសិស្សសាលាបាក់ទូកនៅសង្កាត់អូរ
ឫស្សី ខណ្ឌ៧មករា។ ៤ ឈ្មោះ សឹង ចេស្តារ អាយុ ១៨ឆ្នាំ នៅសង្កាត់អូរឫស្សី ២ ខណ្ឌ ៧មករា។
៥ ឈ្មោះ ប្រាក់ សុភាសិតអាយុ២៥ឆ្នាំនៅជិតបន្ទាយក្រាំងចេក ស្រុកកណ្តាលស្ទឹង ខេត្តកណ្តាល។ ៦ឈ្មោះប៉ាង សុជាតិ អាយុ ២២ឆ្នាំ នៅភូមិ រោងចក្រសង្កាត់ ភ្នំពេញថ្មី ។ ជនបន្ទាប់ទាំង៥នាក់ជាប់ ចោទពីបទប្រើប្រាស់គ្រឿងញៀនខុសច្បាប់។
មូលហេតុដែលនាំឱ្យមានការចាប់ខ្លួនជនជាប់ចោទខាងលើនោះ គឺ លោក លី សាវេតប្រធានគណបញ្ជាការឯកភាពខណ្ឌសែនសុខ បានដឹកនាំកម្លាំងសមត្ថកិច្ច ចំរុះចុះធ្វើរដ្ឋបាលឆែកឆេរតាមផ្ទះជួលក្នុងតំបន់នោះក៏បានប្រទះឃើញពួកគេកំពុងប្រមូលផ្តុំគ្នាសេពគ្រឿងញៀន ហើយរកឃើញគ្រឿងញៀនសេសសល់មួយកញ្ចប់ និងឧបករណ៍សំរាប់សេពមួយចំនួនក៏ឃាត់ខ្លួនតែម្តង៕
0 Comments