វៀតណាម ​ដំឡើង​ថ្លៃ​ទស្សនា​កន្លែង​ទេសចរណ៍​-ភ្នាក់ងារ​ទេសចរណ៍​ ព្រមាន​អំពី​ការ​ថយចុះ​ភ្ញៀវ

ទិសដៅ​ដ៏មាន​ប្រជាប្រិយ​​ទាំងឡាយ​ដូច​ជា Ha Long, Hue (ទីក្រុងវេ) និង​ដាឡាត់ ត្រូវ​បាន​ដំឡើង​ថ្លៃ​ចូល​ទស្សនា​ ដែលភ្នាក់​ងារ​ទេសចរណ៍​ទាំងឡាយ​ព្រួយបារម្ភ​ថា នឹង​ជំរុញ​ឲ្យ​អ្នកទេសចរ​ចេញ​ទៅវិញ។

សម្រាប់​ថ្ងៃ​បុណ្យ​ចូលឆ្នាំថ្មី​ អាជ្ញាធរ​ខេត្ដ​ក្វាង​ប៊ិញ​ នៅវៀតណាម​កណ្ដាល​ដំឡើង​ថ្លៃ​សំបុត្រ​ទ្វេដង​នៅ​ Phong Nha និង Ke Bang Park។

ការ​ចូលទៅ​ Thien Duong (ឋានសួគ៌) ដែល​មនុស្ស​មួយចំនួន​ចាត់​ទុក​ថា ជា​រូបភ្នំ​ដ៏​ស្រស់​ស្អាត​បំផុតនៅ​លើ​ពិភពលោក​នោះ​ ឥឡូវ​នេះ​ថ្លៃ​សំបុត្រ​គឺ​១២៥,០០០ដុង (៥.៨៣ដុល្លារ​អាមេរិក) សម្រាប់កុមារ​ និង២៥០,០០០​ដុង (១១.៦៧​ដុល្លារ​) សម្រាប់​មនុស្សចាស់ ប្រៀប​​ធៀប​នឹង​តម្លៃ​ប្រេង​ពី​៦០,០០០​ដុង​ទៅ​១២០,០០០ដុង។

សំបុត្រ​ចូលមើល​ Phong Nha និងរូងភ្នំ​ Tien Son ក៏ឡើង​ពី​៤០,០០០-៨០,០០០ដុង​ទៅ​ដល់​៨០,០០០-១៥០,០០០ដុង​ដែរ។ លោក​ង្វៀង វ៉ាន់មី អគ្គនាយក​ក្រុមហ៊ុន​ទេសចរណ៍​ Lua Viet បាននិយាយថា ក្រុមហ៊ុន​របស់​លោក​បាន​ទទួល​អីុម៉ែល​មួយ​អំពី​តម្លៃ​ថ្មីនេះ​នៅមុន​​ការ​ចូល​ជា​ធរមាន​បន្ដិច។ លោកមី​ បាន​បន្ដថា យើង​បាន​ចុះកិច្ច​សន្យា​ជាមួយ​អតិថិជន​របស់​យើង​កាលពីប៉ុន្មាន​ខែមុននេះ។ តម្លៃ​សំបុត្រ​ឡើង​ភ្លាមៗ​ដូច្នេះ នឹង​ធ្វើ​ឲ្យ​មាន​ការ​ពិបាក​យ៉ាង​ខ្លាំង​ដើម្បី​សម្រប​សម្រួល​ការ​រកសីុ​របស់យើង។

លោកមី បានបន្ថែម​ថា តម្លៃ​សំបុត្រ​ឡើង​ថ្លៃ​នៅ​រូង​ភ្នំ​ Thien Duong និង​ធ្វើ​ឲ្យ​ក្រុមហ៊ុន​របស់​គាត់​ខាត​បង់​៣០​លាន​ដុង (ជិត​១,៤០០​ដុល្លារ) នៅលើ​កិច្ច​សន្យាដែល​មាន​ស្រាប់​របស់​ខ្លួន។ អាជ្ញាធរ​ខេត្ដ​ក្វាងប៊ិញ ​បានន​ិយាយ​ថា ពួក​គេ​ត្រូវ​ការ​ប្រាក់​ច្រើន​ដើម្បី​ថែទាំរូងភ្នំ​នេះ​ដែល​បាន​ក្លាយ​ទៅ​ជា​ល្បី​ឈ្មោះ​លើឆាក​អន្ដរ​ជាតិ​ បន្ទាប់​ពី​ត្រូវបាន​រុករក​ឃើញ​ដោយ​សមា​ជិក​របស់សមាគម​ស្រាវ​ជ្រាវ​រូងភ្នំ​អង់គ្លេស​នោះ​មក។

សម្រាប់​មូលហេតុ​ដូចគ្នានេះ Ha Long Bay ក៏​ដំឡើង​ថ្លៃ​ទ្វេដង​ផងដែរនៅដើមឆ្នាំ​នេះ ចំណែក​ខេត្ដ​ឡាវកៃ​ ជាផ្ទះ​របស់​ Sa Pa មុន​នេះ​ដំឡើង​ថ្លៃ​៣ដង។ អាជ្ញាធរ​នៅ​ដាឡាត់​បានដំឡើង​ថ្លៃចូល​មើល​ទ្វេដង​ ស្ទើរ​តែ​នៅ​គ្រប់ទិសដៅ​ទេសចរណ៍​ចាប់តាំងពី​ខែ​វិច្ឆិកា​ ឆ្នាំ​២០១៤មក។

ខេត្ដ​ធូធៀន-វេ ក៏មាន​ផែនការ​ដំឡើង​ថ្លៃ​ចូល​មើល​ទីក្រុង​វេ អតីត​វាំង​នៃ​អធិរាជ​ផងដែរនៅ​ក្នុង​ខែ​មេសា​ ពី​៣០,០០០-១០៥,០០០ដុង​ទៅដល់​៦០,០០០-២១០,០០០​ដុង។ តម្លៃ​សំបុត្រ​នៅ​កន្លែង​បុរាណ​ផ្សេងៗ​ទៀត​នៅក្នុង​ទីក្រុង​ក៏នឹង​ត្រូវ​បានដំឡើង​ផងដែរ។

ក្រុង​ហូជីមិញ​ ក៏កំពុង​គិ​តអំពី​ការ​ធ្វើ​ដូច​គ្នា​នេះ​ដែរសម្រាប់​សារមន្ទីរ​របស់ខ្លួន ​ដែល​មាន​ការ​ចូលទៅ​ទស្សនា​ដ៏កម្រ​ លើក​លែង​តែ​សារ​មន្ទីរ​សង្គ្រាម​ មកដល់​ពេលនេះ​បាន​បើក​ឲ្យ​អ្នក​ស្រុក​ចូល​មើល​ដោយ​សេរី។ លោក​មី​ បាន​បញ្ជាក់​ថា សំបុត្រ​ចូលមើល​នៅកន្លែង​ទេសចរណ៍​ជា​ច្រើន​នៅ​វៀតណាម​បាន​ឡើង​ថ្លៃ​៣ដង​នៅ​ក្នុង​មួយ​ឆ្នាំ​ ចំណែក​តម្លៃសំបុត្រ​នៅ​ប្រទេស​ផ្សេងៗ​ទៀត​កម្រ​ផ្លាស់ប្ដូរ​ណាស់។

ឧទាហរណ៍​ អង្គរវត្ដនៅកម្ពុជា បានរក្សា​តម្លៃ​ដដែល​របស់ខ្លួន​ចាប់តាំ​ងពី​ឆ្នាំ​១៩៩៩​មក ចំណែក​ទិសដៅ​ផ្សេងៗ​ជាច្រើន​ទៀត​នៅកម្ពុជា​នៅ​តែ​ចូលមើល​ដោយមិ​ន​គិត​ថ្លៃ៕

ថាលីយ៉ាន​