ភ្នំពេញ ៖ យោងតាមរបាយការណ៍ពីនាយកសណ្ដាប់ធ្នាប់នៃអគ្គស្នងការដ្ឋាននគរបាលជាតិប្រាប់ថា កាលពីថ្ងៃទី២០ ខែមករា ឆ្នាំ២០១៥នេះ មានករណីគ្រោះថ្នាក់ចរាចរណ៍នៅទូទាំងប្រទេសចំនួនកើតឡើង១៥លើក ក្នុងនោះ យប់០៧លើក, បណ្ដាលឲ្យមនុស្សស្លាប់ចំនួន០៧នាក់ (ស្រី០១នាក់) រងរបួសធ្ងន់១៧នាក់(ប្រុស),និងរបួសស្រាល១៦នាក់(ស្រី០៣នាក់)។
នៅក្នុងហេតុការណ៍គ្រោះថ្នាក់ចរាចរណ៍ទាំង១៥លើកនេះ បានបង្កឲ្យមានការខូចខាតយានយន្តសរុប២៥គ្រឿង ក្នុងនោះមានម៉ូតូចំនួន១៧គ្រឿង,រថយន្តធុនតូចចំនួន០៧គ្រឿង,យានផ្សេងៗ០១គ្រឿង។
ប្រភពព័ត៌មានដដែលប្រាប់បន្តថា មូលហេតុដែលបណ្ដាលឲ្យកើតមានករណីគ្រោះថ្នាក់ចរាចរណ៍ គឺបណ្ដាលមកពីល្មើសល្បឿន០៥លើក,មិនគោរពសិទ្ធ០២លើក,មិនប្រកាន់ស្តាំ០៤លើក,ប្រជែងគ្រោះថ្នាក់០២លើក,ស្រវឹង០១លើក,ជិះម៉ូតូឆ្លងផ្លូវ០១លើក។ ក្នុងនោះអ្នកជិះម៉ូតូគ្រោះថ្នាក់ដោយមិនបានពាក់មួកសុវត្ថិភាពចំនួន២២នាក់(យប់១៥នាក់)។
យោងតាមរបាយការណ៍ពីនាយកសណ្ដាប់ធ្នាប់នៃអគ្គស្នងការដ្ឋាននគរបាលជាតិប្រាប់បន្តទៀតឲ្យដឹងថា រថយន្តដែលត្រូវផាកពិន័យនៅអង្គភាពកាលពីថ្ងៃទី២០ ខែមករា ឆ្នាំ២០១៥នេះ សរុបចំនួន៧៨៥គ្រឿង ក្នុងនោះមាន រថយន្តទេសចរណ៍គ្រូសារ ៦៣គ្រឿង, រថយន្តដឹកអ្នកដំណើរធុនតូច ២៤២គ្រឿង,រថយន្តដឹកទំនិញធុនតូចចំនួន១៧២គ្រឿង, រថយន្តដឹកទំនិញធុនធំ៣០៨គ្រឿង។ រថយន្តទាំងអស់ត្រូវបានបង់ប្រាក់ពិន័យរួចនៅអធិការដ្ឋាននគរបាលស្រុកចំនួន២៧គ្រឿង នៅស្នងការដ្ឋាននគរបាលខេត្ត៧៥៨គ្រឿង។ ដោយឡែកម៉ូតូត្រូវបានពិន័យសរុបចំនួន១៤៦៦គ្រឿង ក្នុងនោះមានជិះម៉ូតូអត់ពាក់មួក៩០២គ្រឿង,ជិះម៉ូតូអត់កញ្ចក់៥១១គ្រឿង ជិះម៉ូតូអត់កញ្ចក់ និងមួក១១គ្រឿង,ជិះម៉ូតូមានជាតិស្រវឹង០៤គ្រឿង, ម៉ូតូល្មើសសញ្ញាចរាចរណ៍១៧គ្រឿង,ម៉ូតូបើកភ្លើងពេលថ្ងៃ១៩គ្រឿង និងផ្លាកលេខបាក់ឬខូច០២គ្រឿង៕
រ៉ាវុទ្ធី
0 Comments