កោះកុង ៖ នៅព្រឹកថ្ងៃទី១២ខែមករា ឆ្នាំ២០១៥នេះ សម្តេចអគ្គ មហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ កម្ពុជាបានអញ្ជើញជាអធិបតីដ៏ខ្ពង់ខ្ពស់បំផុតក្នុងពិធីសម្ពោធដាក់ឲ្យប្រើប្រាស់ជាផ្លូវការស្ថានីយវារីអគ្គិសនីឫស្សីជ្រុំ ដែលសិ្ថតក្នុងឃុំប៉ាក់ខ្លង ស្រុកមណ្ឌល ខេត្តកោះកុង ដោយមានការចូលរួមពីសំណាក់ ថ្នាក់ដឹកនាំជាន់ខ្ពស់រាជរដ្ឋាភិបាល និងប្រជាពលរដ្ឋក្នុងខេត្តកោះកុង យ៉ាងច្រើនកុះករ។
ស្ថានីយវារីអគ្គិសនីឫស្សីជ្រុំ ដែលមានអានុភាព៣៣៨មេហ្គាវ៉ាត់ សាងសង់ក្នុងរង្វង់ទឹកប្រាក់វិនិយោគ៤៩៥,៧៦ លានដុល្លារសហរដ្ឋអាមេរិក លើផ្ទៃដី១៩គីឡូម៉ែត្រការ៉េបានដំណើរការសាងសង់ដោយក្រុមហ៊ុនចិនឈ្មោះ Chinahudian Hongkong Co,LTD កាលពីថ្ងៃទី២៨ ខែធ្នូ ឆ្នាំ២០១០៕
0 Comments