ក្រុមជួយសង្គ្រោះអង់គ្លេសនៅថ្ងៃអាទិត្យបានរុករកសមាជិកនាវិក៨នាក់ ដែលកំពុងបាត់ខ្លួនពីនាវាដឹកទំនិញមួយគ្រឿង ដែលបានក្រឡាប់នៅភាគខាងជើងប្រទេសស្កុតឡែន។
ពួកអ្នករុករកជិះឧទ្ធម្ភាគចក្រពីរគ្រឿង និងទូកសង្គ្រោះជីវិត៤គ្រឿង កំពុងស្វែងរកពួកអ្នកនៅរស់ពីការក្រឡាប់នាវា Cemf jord ដែលដឹកស៊ីម៉ង់ពី Aalborg នៃប្រទេសដាណឺម៉ាក ទៅកាន់ Runcorn នៅឆ្នេរសមុទ្រខាងជើងរបស់ប្រទេសអង់គ្លេស។
ទីភ្នាក់ងារ និងឆ្មាំសមុទ្របាននិយាយនៅថ្ងៃអាទិត្យថា នាវានោះបានលិចនៅក្រោមទឹកនៅថ្ងៃអាទិត្យ ហើយនាវា ដែលមានកំពស់៨៣ម៉ែត្រគេមិនអាចមើលឃើញទៀតទេ។
លោក ថូនី រ៉េដឌីង ( Tony Redding) អ្នកនាំពាក្យម្នាក់របស់ក្រុមហ៊ុនដឹកជញ្ជូនតាមនាវាអាល្លឺម៉ង់ ដែលបានដំណើរការនាវានោះ និយាយថា ពុំមានសញ្ញាអាសន្នណាមួយពីនាវានោះទេ ហើយថា ទំនាក់ទំនងព័ត៌មានចុងក្រោយជាមួយនាវានោះធម្មតា។ ក្រុមហ៊ុននោះនិយាយថា នាវិក៧នាក់នាក់ជាជនជាតិប៉ូឡូញ និងម្នាក់ជាជនជាតិហ្វីលីពីន៕
រឹទ្ធ
0 Comments