ភ្នំពេញ ៖ យោងតាមរបាយការណ៍ពីនាយកសណ្ដាប់ធ្នាប់នៃអគ្គស្នងការដ្ឋាននគរបាលជាតិប្រាប់ឲ្យដឹងថា កាលពីថ្ងៃទី៥ ខែមករា ឆ្នាំ២០១៥នេះ មានគ្រោះករណីថ្នាក់ចរាចរណ៍នៅទូទាំងប្រទេសកើតឡើងចំនួន០៨លើក ក្នុងនោះយប់០៥លើក, បណ្ដាលឲ្យមនុស្សស្លាប់ចំនួន០៨នាក់ (ស្រី០២នាក់) របួសធ្ងន់១១នាក់(ស្រី០៦នាក់), និងរបួសស្រាល១៣នាក់(ស្រី០២នាក់)។
នៅក្នុងហេតុការណ៍គ្រោះថ្នាក់ចរាចរណ៍ទាំង០៨លើកនេះ បានបង្កឲ្យមានការខូចខាតយានយន្តសរុប១៥គ្រឿង ក្នុងនោះមានម៉ូតូចំនួន០៨គ្រឿង,រថយន្តធុនតូចចំនួន០៥គ្រឿង,រថយន្តធុនធំ០២គ្រឿង,និងអ្នកថ្មើរជើង០២នាក់។
ប្រភពព័ត៌មានខាងលើប្រាប់បន្តថា មូលហេតុដែលបណ្ដាលឲ្យមានករណីគ្រោះថ្នាក់ចរាចរណ៍ គឺបណ្ដាលមកពីល្មើសល្បឿន០៦លើក, មិនប្រកាន់ស្តាំ០១លើក,កត្តាយានយន្ត០១លើកក្នុងនោះអ្នកជិះម៉ូតូគ្រោះថ្នាក់ដោយមិនបានពាក់មួកសុវត្ថិភាពចំនួន១០នាក់(យប់០៦នាក់)។
យោងតាមរបាយការណ៍ពីនាយកសណ្ដាប់ធ្នាប់នៃអគ្គស្នងការដ្ឋាននគរបាលជាតិប្រាប់បញ្ជាក់ឲ្យដឹងថា រថយន្តដែលត្រូវផាកពិន័យនៅអង្គភាពកាលពីថ្ងៃទី០៥ ខែមករា ឆ្នាំ២០១៥នេះ សរុបចំនួន៥២៤គ្រឿង ក្នុងនោះមាន រថយន្តទេសចរណ៍គ្រួសារ៣៣គ្រឿង, រថយន្តដឹកអ្នកដំណើរធុនតូច១៧៤គ្រឿង,រថយន្តដឹកអ្នកដំណើរធុនធំ១១គ្រឿង,រថយន្តដឹកទំនិញធុនតូចចំនួន៧៤គ្រឿង, រថយន្តដឹកទំនិញធុនធំ២៣៦គ្រឿង។ រថយន្តទាំងអស់ត្រូវបានបង់ប្រាក់ពិន័យរួចនៅអធិការដ្ឋាននគរបាលស្រុកចំនួន៣៨គ្រឿង នៅស្នងការដ្ឋាននគរបាលខេត្ត៤៣៧គ្រឿង និងនៅនាយកដ្ឋានសណ្ដាប់ធ្នាប់៥៣គ្រឿង។
បញ្ជាក់ផងដែរថា រយៈពេល៥ថ្ងៃ នៅឆ្នាំ២០១៥នេះ អ្នកស្លាប់ដោយសារគ្រោះថ្នាក់មានចំនួន៤១នាក់ និងរងរបួសចំនួន១៣៥នាក់៕
រ៉ាវុទ្ធ
0 Comments