ភ្នំពេញ ៖ យោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាន នគរបាលជាតិប្រាប់ឲ្យដឹងថា កាលពីថ្ងៃទី៣១ ខែធ្នូ ឆ្នាំ២០១៤នេះ មានករណីគ្រោះថ្នាក់ចរាចរណ៍នៅទូទាំងប្រទេសបានកើតឡើងចំនួន១១លើក ក្នុងនោះយប់០៧លើក បណ្ដាលឲ្យមនុស្សស្លាប់០៤នាក់ (ប្រុស) របួសធ្ងន់០៨នាក់ (ស្រី០២នាក់) និងរបួសស្រាល០៥នាក់(ប្រុស)។
នៅក្នុងហេតុការណ៍គ្រោះថ្នាក់ចរាចរណ៍ទាំង១១លើកនេះ បានបង្កឲ្យមានការខូចខាត យានយន្តសរុប១៦គ្រឿង ក្នុងនោះមានម៉ូតូចំនួន១២គ្រឿង,រថយន្តធុនតូចចំនួន០៤គ្រឿង,និងថ្មើរជើង០១នាក់។ របាយការណ៍ខាងលើប្រាប់បន្តថា មូលហេតុដែលបណ្ដាលឲ្យមានករណីគ្រោះថ្នាក់ចរាចរណ៍ គឺបណ្ដាលមកពីល្មើសល្បឿន០៦លើក, ប្រជែងគ្រោះថ្នាក់០៤លើក,មិនគោរពសិទ្ធ០៤លើក, ក្នុងនោះមានអ្នកជិះម៉ូតូគ្រោះថ្នាក់ដោយមិនបានពាក់មួកសុវត្ថិភាព១៣នាក់(យប់០៩នាក់)។
យោងតាមរបាយការណ៍ ពីនាយកដ្ឋានសណ្ដាប់ធ្នាប់នៃអគ្គស្នងការដ្ឋាន នគរបាលជាតិប្រាប់បញ្ជាក់ឲ្យដឹងថា រថយន្តដែលត្រូវផាកពិន័យ នៅអង្គភាពកាលពីថ្ងៃទី៣១ ខែធ្នូ ឆ្នាំ២០១៤នេះ សរុបចំនួន៧៦០គ្រឿង ក្នុងនោះមានរថយន្តទេសចរណ៍គ្រួសារ៥៨គ្រឿង, រថយន្តដឹកអ្នកដំណើរធុនតូច២៨៩គ្រឿង, រថយន្តដឹកអ្នកដំណើរធុនធំ០២គ្រឿង,រថយន្តដឹកទំនិញធុនតូច១៤២គ្រឿង និងរថយន្តដឹកទំនិញធុនធំ២៦៩គ្រឿង។ រថយន្តទាំងអស់ ត្រូវបានបង់ប្រាក់ពិន័យរួចរាល់នៅអធិការដ្ឋាននគរបាលស្រុកចំនួន៣៨គ្រឿង, នៅស្នងការដ្ឋាននគរបាលខេត្ត៧២២គ្រឿង៕
រ៉ាវុទ្ធ
0 Comments