ម៉ាករថយន្ដ​ចំនួន​៥​ ត្រូវ​បាន​លក់​ដាច់​ជាង​គេ នៅ​លើ​ពិភពលោក​

រថយន្ដ​ជិត៧២លានគ្រឿង​ ត្រូវបាន​លក់​ចេញ​នៅលើពិភព​លោក​នៅ​ក្នុង​ឆ្នាំ​២០១៤ ដោយ​អតិថិជន​មាន​រថយន្ដ​ជាង​១០០​គំរូ​ដើម្បី​ជ្រើស​រើស ​ចាប់ពី​ឆ្នាំ​នេះ​ទៅ។

នៅពេលដែលឆ្នាំ​២០១៤​បានចប់​ទៅនោះ​ Camudi ជាទីផ្សារ​អនឡាញ​ (ផ្សាភ្ជាប់​ជាមួយ​ប្រព័ន្ធ​អ៊ីនធឺណិត) សម្រាប់​រថយន្ដ​ថ្មី និង​រថ​យន្ដ​លេខ២ បានចុះបញ្ជី​គំរូ​រថយន្ដ​ចំនួន​៥​ដែល​មាន​ប្រជាប្រិយ​បំផុត​នៅលើទីផ្សារ​នៅក្នុងឆ្នាំ​២០១៤។

រថយន្ដ​ទាំងនេះ​ដែលត្រូវ​បាន​ចុះ​បញ្ជី​ថា ជា​រថយន្ដ​មានប្រជាប្រិយ​ភាពបំផុត​នោះ​ គឺ​ផ្អែក​ទៅលើតម្លៃ​ គុណ​ភាព និង​ចំនួននៃ​ការ​លក់របស់វា។

លេខ១/ រថយន្ដ​ម៉ាក Toyota Corolla លក់​បាន​ជាង​៥៨៧,៤៩១​គ្រឿង

រថយន្ដ Toyota Corolla ជាថ្មី​ម្ដង​ទៀត​ស្ថិត​នៅ​លើកំពូល​នៃបញ្ជីឆ្នាំ​២០១៤។ រថយន្ដ Corolla ត្រូវបាន​គេ​អះអាងថា ជារថយន្ដ​ដែល​​លក់​បាន​ដាច់បំផុត​នៅក្នុងប្រវត្ដិ​សាស្ដ្រ​ គឺ​លក់​បាន​ជាង​៤០លាន​គ្រឿង​ចាប់តាំង​ពី​វា​ចូល​ជា​លើកដំបូង​ទៅ​ក្នុង​ទីផ្សារ​។ រថយន្ដ​ Corolla បន្ដ​ធ្វើ​ជាគំរូ​ដ៏​ឆ្នើម​នៅក្នុង​ចំណោម​អតិថិជន​នៅក្នុង​ក្របខណ្ឌ​នៃសមត្ថភាព​ប្រើ​ប្រាស់​ប្រេង និង​តម្លៃ​នៃ​ការ​ទិញ។ ស្លាកតម្លៃ​លក់រថយន្ដ​ Corolla ចាប់​ផ្ដើម​ពី​១៦,៩០០​ដុល្លារ។

លេខ២/ Ford Focus : លក់បាន​ចំនួន​ជាង​៥៣១,៥៥៧​គ្រឿង

Ford Focus ល្បីឈ្មោះ​ដោយសារ​បទពិ-សោធន៍​នៃការ​បើកបរ​ដ៏ល្អ​ប្រពៃ​របស់វា​ និង​ត្រូវ​បាន​ចាត់​នៅក្នុង​លំដាប់​ទី២​នៃរថយន្ដ​លក់​ដាច់​បំផុត​នៅឆ្នាំ​នេះ។

លេខ៣/ Volkswagen Golfe : លក់​បាន​ជាង​៥២៤,១២៧គ្រឿង​

រថយន្ដ​ VW's Golf នៅតែ​ឈរ​នៅក្នុង​លំដាប់​ខ្ពស់នៅ​ក្នុងបញ្ជី​នៃរថយន្ដ​កាត់​គូទ​ដ៏ល្អបំផុត​ចំពោះ​កម្លាំង​ម៉ាសីុន​ ការ​កែច្នៃ​ខាង​ក្នុង​ដ៏ស្រស់​ស្អាត និង​ម៉ាស៊ីន​មានបច្ចេកវិទ្យា​ខ្ពស់​របស់​វា ​អ្វីៗទាំងអស់​គ្របដណ្ដប់​ដោយ​គុណភាព​ខ្ពស់។ រថយន្ដ Golfe ជា​រថយន្ដ​ធ្វើ​ឲ្យ​រីក​រាយ​ និង​ប្រកប​ដោយ​ផាសុកភាព​ក្នុង​ការ​បើក​ និង​មានបាត​ក្រោម​ដ៏ល្អ។ រថយន្ដ​ Golfe បានដណ្ដើម​កន្លែង​ទី៣ចាប់ តាំង​ពី​វា​ត្រូវ​បាន​បញ្ចូលជាលើក​ដំបូង​ទៅក្នុង​ទីផ្សារ​ នៅពាក់​កណ្ដាល​ទសវត្ស​ឆ្នាំ​១៩៧០ ​ដែល​បំពាក់ដោយ​ម៉ាស៊ីន​ដែលធ្វើ​ឲ្យ​ត្រជាក់​ដោយ​ទឹក។

លេខ៤/ Ford F-Series លក់​បាន​ជាង​៥១៣,១២៧​គ្រឿង​

Ford បានបន្ដ​​បង្ហាញ​ថា​ ​វា​ជា​កម្លាំងមួយ​ដែល​ត្រូវ​គិតគូរអំពីវា​ ទោះបីតម្លៃ​លក់​បាន​រអិល​ធ្លាក់​៣ភាគរយ​នៅដើម​ខែ​កញ្ញា​ក៏​ដោយ ប៉ុន្ដែ​នៅ​តែ​មាន​ជោគជ័យ​នៅ​ខាងលើ​បញ្ជី​នៃរថយន្ដ​ដែ​ល​លក់​ដាច់​បំផុត​នៅ​ឆ្នាំខាងមុខនេះ។ Ford F សេ៊រី​រថយន្ដ​ធំ គឺជា​សំណព្វ​ចិត្ដ​នៅក្នុង​ចំណោម​អ្នកស្រឡាញ់​រថយន្ដ​ធំ។​ វា​មានភាពល្បីដោយ​សារតែ​ភាព​មាំ និង​សមត្ថភាព​របស់​វា​ ជា​រោង​ចក្រ​ថាមពល​ទាំង​ស្រុង​នៅក្នុង​រូបរាង​នៃរថយន្ដ​ធំ។ Ford ក៏មាន​ផែនការ​ដើម្បី​បង្កើន​កម្រិត​សម្រាប់​គំរូ​ឆ្នាំ​២០១៥​ផងដែរ​ ដែល​នឹង​ប្រើ​ប្រាស់​ដែក​អាលុយ​មីនីញ៉ូម​កម្រិត​រថយន្ដ​យោធា​ និង​ធ្វើ​ឲ្យ​បានល្អប្រសើរ​នូវ​គ្រឿង​ទ្រ​ខាង​ក្រោយ​ផង​ដែរ។

លេខ​៥/ Hyundai Elantra លក់​បាន​ជាង​៤០៦,៩៩៥​គ្រឿង​

រថយន្ដ Elantra ត្រូវបាន​បញ្ចូល​ទៅ​ក្នុង​ទីផ្សារ​កាលពី២​៤ឆ្នាំ​មុននេះ។ វា​ជា​រថយន្ដ​មួយ​ល្អបំផុត​នៅ​ក្នុង​ចំណោម​រថយន្ដ​ដែលក្រុម​ហ៊ុន​ Hyundai មិនធ្លាប់​បានស្ថាបនា​។ ជាមួយ​គំនូរ​ប្លង់​ដែលមាន​រូបរាងដ៏​ល្អ ជាមួយ​ប្លាស្ទីក​រឹង​ និង​ផ្ទៃ​ស្ទាប​រលោង​ស្រឹល​ ខាងក្នុង​មាន​ទំហំ​ទូលាយ​នោះ វា​មាន​ឥទ្ធិពល​យ៉ាង​ខ្លាំង​ចំពោះ​​អ្នក​ដើរ​រក​ទិញ​រថយន្ដ។ រថយន្ដ Elantra មាន​ដំបូល និង Elantra កាត់គូទ​ ធានាបាន​នូវទីតាំង​កំពូល​មួយ​នៅក្នុង​ចំណោម​រថយន្ដ​ដែល​លក់​បាន​ច្រើន​បំផុត៕

ថាលីយ៉ាន