មន្ទីរពេទ្យថ្មីមួយ និងខ្សែផ្លូវរថភ្លើងក្រោមដី ប្រហែលជាជួយឧស្សាហកម្មសំណង់របស់ប្រទេសសិង្ហបុរី ឲ្យរីកចម្រើនជាងគេនៅក្នុងត្រី មាសកន្លងមកនៅក្នុងមួយឆ្នាំ ជាកន្លែងដ៏ភ្លឺថ្លាមួយនៅក្នុងសេដ្ឋកិច្ច ក្រៅពីនេះបានទទួលរងឈឺចាប់ដោយការប្រែប្រួលរបស់សេដ្ឋកិច្ចពិភព លោកមួយ ដែលបានជាសះស្បើយឡើងវិញនោះ។
វិស័យសំណង់ដែលមានចំនួន៤.៤ភាគរយនៃផលិតផលក្នុងស្រុកសរុប (GDP) កាលពី ឆ្នាំទៅនោះ បានកើនឡើង៨ភាគរយនៅក្នុងរយៈពេល៣ខែរហូតដល់ខែធ្នូពីរយៈពេលមុន។ នេះបើតាមទិន្នន័យបានបង្ហាញឲ្យដឹងនៅថ្ងៃអាទិត្យ។ ការផលិតដែលមានចំនួន១៨.៦ភាគរយបានរួញមកនៅ៥.៨ភាគរយ។
យោងទៅតាមលោក Michael Wan អ្នកវិភាគម្នាក់នៅ Credit Suisse Group AG នៅសិង្ហបុរីបានឲ្យដឹងថា សេដ្ឋកិច្ចដែលពឹងផ្អែកលើការនាំចេញរបស់ប្រទេសសិង្ហបុរី បានរីកចម្រើនតិចជាងការប៉ាន់ស្មានរបស់អ្នកវិភាគ បន្ទាប់ពីឧស្សាហកម្មផលិតបានធ្លាក់ចុះនៅខែទី៣នៅក្នុងខែវិច្ឆិកា ខណៈដែលមានការរីកចម្រើនយឺតនៅប្រទេសចិន និងការតស៊ូនៅប្រទេសប៉ុនដើម្បីទទួលបានមកវិញនូវសន្ទុះនោះ។
គម្រោងសាធារណៈ ដូចជាមន្ទីរពេទ្យ Ng Teng Fong General Hospital ដែលមាន៧០០គ្រែនៅភាគខាងលិចប្រទេសនៅអាសីុអាគ្នេយ៍នេះ និងផ្លូវរថភ្លើងក្រោមដីថ្មីនៅ Downtown មុខជារួមវិភាគទានចំពោះការលោតផ្លោះនៅក្នុងវិស័យសំណង់។ លោក Wan បានបន្ដថា បំពង់បង្ហូរប្រេង គឺពិតជាខ្លាំងក្រៃលែង។ សំណង់សាធារណៈត្រូវបន្ដគាំទ្រសកម្មភាពនៅក្នុងឆ្នាំ២០១៥ ប៉ុន្ដែសំណង់ឯកជននឹងស្ថិតនៅខ្សោយដោយសារតែការចុះខ្សោយនៅក្នុងទីផ្សារអចលនទ្រព្យ។
រដ្ឋាភិបាលបានទុកដោយឡែក៤.៥៨ពាន់លានដុល្លារសិង្ហបុរី(៣.៥ពាន់លានដុល្លារ) សម្រាប់គម្រោងផ្លូវដែកនេះ ដែលរួមទាំងខ្សែ Downtown, Tuas West Extension និង Thomson Line នោះផងសម្រាប់ឆ្នាំសារពើពន្ធរហូតដល់ថ្ងៃ៣១ ខែមីនា។ ព្រមជាមួយនេះ តម្លៃផ្ទះសម្បែងបានធ្លាក់ចុះ១ភាគ៥នៃត្រីមាសបន្ដបន្ទាប់នៅក្នុងរយៈពេល៣ខែរហូតដល់ខែធ្នូជាការខាតបង់យូរបំផុតនៅក្នុងរយៈពេលជាងមួយទសវត្ស នៅពេលដែលការខ្ចីប្រាក់មានវត្ថុបញ្ចាំដែលកាន់តែតឹងតែងទប់តម្រូវការដែលស្ងប់ស្ងាត់នេះ៕ថាលីយ៉ាន
0 Comments