កំពង់ឆ្នាំង ៖ ស្ត្រីម្នាក់បានរងរបួសដេកសន្លប់ និងត្រូវបានក្រុមគ្រួសារដឹកមកសង្គ្រោះនៅមន្ទីរពេទ្យ
ខេត្ត ចំណែកបុរសម្នាក់ទៀតបានរងរបួសជាំភ្នែកឆ្វេង ខណៈដែលជនរងគ្រោះទាំង២នាក់ ត្រូវជាបងប្អូនថ្លៃនឹងគ្នា មានជម្លោះជាមួយក្រុមជនដៃដល់ និងបក្ខពួកមួយក្រុមទៀត ក្នុងអំពើហិង្សាដោយចេតនាមួយ រឿងដាក់ម៉ូតូចង្អៀតលើផ្លូវដើរបន្តិចបន្តួចសោះ។ ករណីនេះបានកើតឡើងនៅវេលាម៉ោង៦និង១០នាទីយប់ ថ្ងៃទី១៥ ខែមករា ឆ្នាំ២០១៥ នៅក្នុងភូមិម៉ុងបារាំង សង្កាត់ផ្អេរ ក្រុងកំពង់ឆ្នាំង។ លោក ម៉ា យន្ត នាយផ្នែកនគរបាលព្រហ្មទណ្ឌក្រុងកំពង់ឆ្នាំងបាននិយាយឲ្យដឹងថា ស្ត្រីរងគ្រោះក្នុងអំពើហិង្សាដោយចេតនានោះមានឈ្មោះ វោយ មករា អាយុ៣២ឆ្នាំ រងរបួសធ្ងន់ និង បុរសម្នាក់ទៀតជាបងថ្លៃស្រី្តខាងលើនេះ មានឈ្មោះ អុំ ទូច អាយុ៣៥ឆ្នាំ ទាំង២នាក់មានទីលំនៅភូមិម៉ុងបារាំង សង្កាត់ផ្អេរ ក្រុងកំពង់ឆ្នាំង។ ចំណែកជនដៃដល់មានឈ្មោះ ស៊ិញ ភេទប្រុស អាយុជាង២០ឆ្នាំ ជាកូនបុរសឈ្មោះ រ៉ា និង ម្តាយឈ្មោះ ភាព គ្រួសារនេះនៅភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង។
មុនពេលកើតហេតុស្ត្រីឈ្មោះ វោយ មករា បានឈ្លោះប្រកែកគ្នាជាមួយស្ត្រី ឈ្មោះ ភាព ពីរឿងដាក់ម៉ូតូចង្អៀតផ្លូវដើរ នៅពេលកំពុងឈ្លោះគ្នានោះស្រាប់តែកូនស្ត្រីឈ្មោះ ភាព មានឈ្មោះ ស៊ីញ និងបក្ខពួកបានស្ទុះមកវាយស្ត្រីឈ្មោះ វោយ មករា បណ្ដាលឲ្យដួលសន្លប់ដេកលើដី ក្នុងគ្រានោះដែរបុរសឈ្មោះ អុំ ទូច ជាបងថ្លៃស្ទុះមកជួយ ក៏ត្រូវឈ្មោះ ស៊ីញ និងបក្ខពួកព្រួតវាយត្រូវជាច្រើនដៃបណ្ដាលឲ្យជាំភ្នែកមួយចំហៀង។
ក្រោយពេលកើតហេតុអ្នកជិតខាងបានចូលជួយឃាត់ ហើយបានយកស្ត្រីរងគ្រោះមកកាន់មន្ទីរពេទ្យខេត្ត ចំណែកជនដៃដល់ឈ្មោះ ស៊ីញ ភ័យខ្លួនបានគេចបាត់ពីផ្ទះ។ លោក ម៉ា យន្ត បានឲ្យដឹងទៀតថា បាននៅព្រឹកថ្ងៃទី១៦ ខែមករា ឆ្នាំ២០១៥នេះ គ្រួសារជនរងគ្រោះទាំង២នាក់ បាន មកដាក់ពាក្យប្ដឹងនៅក្នុងអធិការដ្ឋាននគរបាលក្រុងរួចហើយ ដែលពេលនេះសមត្ថកិច្ចជំនាញកំពុងកសាងសំណុំរឿងតាមនីតិវិធីបញ្ជូនទៅកាន់តុលាការខេត្តដើម្បីសុំដីកាស្វែងរកចាប់ខ្លួនជនដៃដល់ដែលបានរត់គេចខ្លួនបាត់ពីមូលដ្ឋានទៅហើយ "តែជង់ពិតជាមិនភ្លេចកុកឡើយ៕
ឈៀង ថារិទ្ធ
0 Comments