ថ្ងៃទី២ ខែមករា ៖ នាងធ្វើដំណើរតាមយន្តហោះពីក្រុងម៉ាឌ្រីដទៅកាន់ទីក្រុងអ៊ីស្តង់ប៊ុល អមដំណើរដោយពលរដ្ឋបារាំងម្នាក់ ឈ្មោះ មេឌីសាប្រ៊ីបេលហូស៊ីន(Mehdi Sabry Belhoucin) ។ ទាំងពីរនាក់ធ្វើឲ្យមានការសង្ស័យពីអាជ្ញាធរទួរគី ដែលបានតាមស៊ើបពួកគេ។ ពួកគេស្នាក់នៅក្នុងសណ្ឋាគារមួយនៅក្នុងទីក្រុងពីរថ្ងៃដែលគេរាយការណ៍ថា នាងបូមេដឌៀនបានទិញទូរស័ព្ទដៃមួយ និងSimកាត។
ថ្ងៃទី៤ ខែមករា ៖ ជើងយន្តហោះក្នុងស្រុកទៅកាន់Saniliurfa នៅជិតព្រំដែនស៊ីរី។ គេរាយការណ៍ថា នាងបានទូរស័ព្ទច្រើនលើកទៅកាន់ប្រទេសបារាំងពីប្រទេសទួរគី។ គេទាំងពីរនាក់មិនបានប្រើសំបុត្រវិលត្រឡប់របស់គេទៅក្រុងម៉ាឌ្រីដដែលចុះថ្ងៃទី៩ ខែមករា នោះទេ។
ថ្ងៃទី៨ ខែមករា ៖ ឆ្លងចូលប្រទេសស៊ីរី។ នៅថ្ងៃដដែលនោះ ដៃគូរបស់នាងបានបាញ់សម្លាប់ប៉ូលិសស្រីម្នាក់ ដោយប្រើរថយន្តរបស់នាង បូមេដឌៀន នៅក្នុងការវាយប្រហារនោះ។ អាជ្ញាធរបារាំងប្រកាសថា គេកំពុងតាមរកចាប់នាង។
ថ្ងៃទី១០ ខែមករា ៖ ទូរស័ព្ទចុងក្រោយដែលគេបានរាយការណ៍ពីទីក្រុងតែលអាប់យ៉ាដ របស់ស៊ីរីនោះ មិនឆ្ងាយពីព្រំដែនទេ៕
រឹទ្ធ
0 Comments