កំពង់ធំ ៖ ខេត្តកំពង់ធំជាខេត្តមួយដែលមានដីស្រែ ដីចំការរាប់ម៉ឺនហិកតា សម្រាប់ប្រជាកសិករដំណាំកសិកម្ម និងដំណាំឧស្សាហកម្ម តែហេតុផលតែមួយដែលធ្វើឲ្យការទទួលផលបានក្នុងកម្រិតទាប កម្រិតខ្ពស់ទៅតាមឆ្នាំ គឺអាស្រ័យលើទឹកភ្លៀង និងអាកាសធាតុ ដូច្នេះកត្តាទឹកភ្លៀងក្នុងឆ្នាំ២០១៤មានកំពស់១២៣២,៦មម បើប្រៀបធៀបទៅនឹងឆ្នាំមុនទាបជាង១៥៣,២មម។
លោក ធីវ វណ្ណ ធី ប្រធានមន្ទីរកសិកម្មខេត្តកំពង់ធំបានធ្វើរបាយការណ៍សង្ខេបពាក់ព័ន្ធទៅនឹងការងារកសិកម្មក្នុងឆ្នាំ២០១៤ ជារួមមាន ១-ឱនភាពការងារបង្កបង្កើនផលស្រូវទូទាំងខេត្តកំពង់ធំប្រចាំឆ្នាំ២០១៤ អនុវត្តន៍បាន២១៣.០៨១ហិកតាស្មើនិង១០១,៤៧%នៃផែនការ មាន២១០.០០០ហិកតា ប្រៀបធៀបទៅនិងឆ្នាំ២០១៣រយៈពេលដូចគ្នា ទាបជាង២.១១០ហិកតា ក្នុងនោះស្រូវព្រួស ១៤៩៨៨០ ហិកតាស្មើនិង៧០,៣%ផ្ទៃដីអនុវត្តន៍សរុប, ស្រូវសន្ទូងចំនួន៥៨.៤៩៧ហិកតាស្មើនិង២៧,៥%នៃផ្ទៃដីសរុបដែលបានអនុវត្តន៍ ដីចំការអនុវត្តន៍បាន៤៧០ហិកតាស្មើនិង២៧,៥%នៃផ្ទៃដីដែលបានអនុវត្តន៍ ,វិស័យកសិកម្មក្នុងខេត្តកំពង់ធំក្នុងការផលិតកម្មដំណាំស្រូវនៅដើមរដូវមានភ្លៀងធ្លាក់រាយប៉ាយគ្រប់តំបន់ធ្វើឲ្យការងារបង្កើនផលរដូវវស្សាឆ្នាំនេះ មានលក្ខណៈងាយស្រួលដល់ប្រជាកសិករក្នុងការភ្ជួររាស់ សាប ព្រួស ស្រូវបានទាន់ពេលវេលា។ ២-ការវាយតម្លៃទិន្នផលស្រូវវស្សាឆ្នាំ២០១៤ ទូទាំងខេត្តកំពង់ធំ អនុវត្តន៍ការបង្កបង្កើនផលសរុបចំនួន២១៣.០៨១ ហិកតា ខូចខាតដោយសារទឹកជំនន់ចំនួន២.៤៦៥ហិកតា ស្ដារឡើងវិញបានចំនួន៨០៨ហិកតា ដូច្នេះនៅសល់ផ្ទៃដីប្រមូលចំនួន២១១.៤២៤ហិកតា ការវាយតម្លៃទិន្នផលជាមធ្យម២.៤៤៨ហិកតា ធៀបទៅនឹងឆ្នាំមុនកើន៥៧ហិកតា ទទួលបរិមាណផល៥២៥.២៥៩តោន។ ៣-ការប៉ាន់ស្មានស្រូវរដូវប្រាំងឆ្នាំ២០១៤,២០១៥ ទូទាំងខេត្តកំពង់ធំអនុវត្តន៍សរុបបានចំនួន៤៦.១៨៩ហិកតា ទិន្នផលមធ្យម៤៣៣០តោន/ហិកតា បរិមាណផល២០០.០០៨តោន។
ផលិតផលនិងតុល្យភាពស្បៀងប្រចាំឆ្នាំ២០១៤,២០១៥ មានផែនការដាំដុះក្នុងរដូវវស្សា ២១០.០០០ហិកតា រដូវប្រាំង៣៦.០០០ហិកតា សរុប២៤៥.០០០ហិកតា ,ផ្ទៃដីអនុវត្តន៍ក្នុងរដូវវស្សា ២១៣.០៨១ហិកតា រដូវប្រាំង៤០.៨២០ហិកតា សរុប២៥៣.៩០១ហិកតា, ផ្ទៃដីខូចខាតរដូវវស្សា២.៤៦៥ហិកតា, ផ្ទៃដីស្ដារបាន៨០៨ហិកតា ,ផ្ទៃដីប្រមូលផលរដូវវស្សា២១១.៤២៤ហិកតា , រដូវប្រាំង៤៦.១៨៩ហិកតា សរុប២៥៧.៦១៣ហិកតា ទិន្នផលមធ្យមរដូវវស្សា២,៤៨៤តោនក្នុង១ហិកតា នៅរដូវប្រាំង៤,៣៣០តោនក្នុង១ហិកតា ,បរិមាណផលក្នុងរដូវវស្សា៥២៥.២៥៩តោន រដូវប្រាំង២០០.០០៨តោន សរុប៧២៥.២៦៦តោន , កាត់ចេញ១៣%សម្រាប់ទុកពូជ៩៤.២៨៥តោន , ស្រូវចំណីក្រោយពីកាត់ចេញ១៣% មាន៦៣០.៩៨២តោន, សរុបស្បៀងគិតជាអង្ករ៤០៣.៨២៨តោន ,តម្រូវការស្បៀង១ឆ្នាំ១០២.២៩៥តោន ,បរិមាណអង្ករលើស៣០១.៥៣៣តោន,គិតជាស្រូវ ៤៧១.១៤៥តោន។
តាមរបាយការណ៍របស់លោក ធីវ វណ្ណធី បានឲ្យដឹងថា ក្នុងទិសដៅចំពោះមុខ គឺបន្តការតាមដានជុំវិញការប្រមូលផលស្រូវរដូវវស្សា ដោយយកចិត្តទុកដាក់ណែនាំដល់ប្រជាកសិករអនុវត្តន៍ការទប់ស្កាត់ការបាត់បរិមាណនិងគុណភាពស្រូវ ,ការអនុវត្តន៍ការវាយតម្លៃទិន្នផល និងបរិមាណឲ្យបានច្បាស់លាស់, តាមដានជាប់ជាប្រចាំនូវដំណើរការបង្កបង្កើនផលស្រូវរដូវប្រាំងនិងជំរុញការដាំដុះនៅតំបន់ដែលមានប្រភពទឹកស្រោចស្រប់គ្រប់គ្រាន់ ,បន្តការផ្សព្វផ្សាយឲ្យប្រជាកសិករដាំដំណាំរួមផ្សំផ្សេងៗលើតំបន់ដែលមានសក្ដានុពលដាំដុះ បន្ទាប់ពីរដូវវស្សាដើម្បីបង្កើនសេដ្ឋកិច្ចគ្រួសារ, បន្តការតាមដានជំងឺសត្វ បង្កើនការពារសុខភាពសត្វ និងមានវិធានការអន្តរាគមន៍តាមការចាំបាច់ជាក់ស្ដែង,ពិនិត្យមធ្យោបាយ និងសម្ភារៈផ្សេងៗ ដើម្បីត្រៀមលក្ខណៈជួយអន្តរាគមន៍នៅពេលជួបប្រទះនូវគ្រោះថ្នាក់ធម្មជាតិ៕
ប៊ុន រដ្ឋា
0 Comments