ក្រុមបូកូហារ៉ាម បានប្រកាសការវាយប្រហារដ៏ធំមួយដែលគេព្រួយបារម្ភថា ជាការវាយប្រហារដ៏អាក្រក់បំផុតនៅក្នុងឧទ្ទាមកម្ម៦ឆ្នាំរបស់ខ្លួន និងបានគម្រាមប្រទេសជិតខាងរបស់ប្រទេសនីហ្សេរីយ៉ានៅពេលការចរចាចាប់ផ្តើមសម្រាប់ការឆ្លើយតបរបស់តំបន់មួយទៅកាន់ពួកសកម្មប្រយុទ្ធ និងភ័យខ្លាចចំពោះអំពើហិង្សាកើនឡើងថែមទៀត។
ការបញ្ជាក់អះអាងពីមេដឹកនាំបូកូហារ៉ាម លោក អាប៊ូបាកាសេកកាអ៊ូ(Abubakar Shekau) បានកើតឡើងនៅពេលពុំមានការភ្ញាក់ផ្អើលណាមួយសាក្សីជាច្រើនមើលឃើញរឿងរ៉ាវវាយប្រហារទៅលើបាហ្កាដែលគេគិតថា បានសម្លាប់មនុស្សរាប់រយនាក់នោះ។
ប៉ុន្តែលោកសេកកាអ៊ូបានអះអាងថា ការវាយប្រហារនៅថ្ងៃទី៣ ខែមករា ដែលនៅក្នុងនោះទីតាំងមួយចំនួននៅបាហ្កា ត្រូវបានគេដុតឆេះរាបដល់ដី និងលំនៅដ្ឋានយ៉ាងតិច១៦កន្លែង ត្រូវបានរុះរើ។ គេនិយាយថា ស្ត្រីនិងកូនក្មេងរាប់រយនាក់នៅតែកំពុងត្រូវបានពួកសកម្មប្រយុទ្ធចាប់ឃុំនៅក្នុងសាលាមួយនិងនៅក្នុងផ្ទះរបស់អ្នកតំណាងរាស្ត្រក្នុងស្រុកម្នាក់។
គេនិយាយថា ប្រជាជនប្រហែល២០.០០០នាក់ បានរត់គេចពួកគេភាគច្រើនឆ្លងកាត់ព្រំដែនចូលទៅក្នុងប្រទេសនីហ្សេរីយ៉ា និងប្រទេសឆាដ ដោយបង្កើនសម្ពាធទៅលើពួកអាជ្ញាធរក្នុងស្រុកនៅទីនោះ ដែលគេព្រួយបារម្ភថា វាអាចត្រូវគេសំដៅទៅលើក្នុងពេលឆាប់ៗ៕
រឹទ្ធ
0 Comments