ឧត្តរមានជ័យ ៖ កាលពីវេលាម៉ោង៨និង២០នាទី ព្រឹកថ្ងៃទី៦ ខែមករា ឆ្នាំ២០១៥កម្លាំងចម្រុះបានចុះត្រួតពិនិត្យនិងបង្ក្រាបសិប្បកម្មកែច្នៃផលអនុផលព្រៃឈើអត់ច្បាប់ចំនួន៤កន្លែងនៅក្នុងភូមិស្រះឈូក ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ ដោយមានបទបញ្ជាពីមេបញ្ជាការឯកភាពខេត្តគឺលោក ស ថាវី អភិបាលនៃគណៈអភិបាលខេត្តនិងលោក កូយ កាន់យ៉ា ព្រះរាជអាជ្ញាអមសាលាដំបូងខេត្ត និង លោក ទៀង ដាវិទ្យ នាយខណ្ឌរដ្ឋបាលព្រៃឈើខេត្ត លោក ឃុន ប៊ុនហេងនាយផ្នែករដ្ឋបាលព្រៃឈើស្រុកអន្លង់វែង លោក ខន ខែមនាយសង្កាត់រដ្ឋបាលព្រៃឈើស្រុកអន្លង់វែង និងកងរាជអាវុធហត្ថស្រុកអន្លង់វែងទៀតផង។
លោក ទៀង ដាវិទ្យនាយខណ្ឌរដ្ឋព្រៃឈើខេត្តបានឲ្យដឹងថា កាលដែលកម្លាំងចម្រុះចុះត្រួតពិនិត្យ និងបង្ក្រាបទីតាំងសិប្បកម្មកែច្នៃផលអនុផលព្រៃឈើអត់ច្បាប់នោះឲ្យពួកគាត់ទាំងអស់នោះ ទៅធ្វើច្បាប់ឲ្យបានត្រឹមត្រូវពីព្រោះនៅពេលបច្ចុប្បន្ន សិប្បកម្មកែច្នៃផលអនុផលព្រៃឈើអត់ច្បាប់កើតឡើងច្រើនណាស់មិនថា តែស្រុកអន្លង់វែងនោះទេ គឺនៅក្នុងខេត្តឧត្តរមានជ័យនេះតែម្តង ដើម្បីឲ្យពួកគាត់ធ្វើទៅតាមផ្លូវច្បាប់កុំឲ្យចេះតែធ្វើទៅតាមអំពើចិត្តនោះ។ លោក ទៀង ដាវិទ្យនាយខណ្ឌរដ្ឋបាលព្រៃឈើខេត្តបានបន្តទៀតថា សិប្បកម្មកែច្នៃផលអនុផលព្រៃឈើអត់ទាំង៤កន្លែងខាងលើនេះ លោកត្រូវផ្អាកមួយរយះសិន នៅពេលណាពួកគាត់ចូលទៅធ្វើច្បាប់បានត្រឹមត្រូវហើយ ទើបបានឲ្យដំណើរការឡើងវិញ វីឯឈើដែលត្រូវដឹកចូលមកធ្វើនៅក្នុងរោងសិប្បកម្មនោះ ក៏ត្រូវមានលិខិតស្នាមឲ្យបានត្រឹមត្រូវដែលបានអាចដឹកយកមកធ្វើបាន ហើយក្នុងការចុះត្រួតពិនិត្យនោះកម្លាំងចម្រុះក៏បានដកហូតបានឈើឆៅមួយចំនួនធំផងដែរ៕(
ដោយចាន់ ធី)
0 Comments