ប្រធានអ្នកចរចាក្រុងតេអេរ៉ង់ ត្រូវបានទីភ្នាក់ងារសារព័ត៌មានផ្លូវការ IRNA ដកស្រង់សំដីនៅថ្ងៃអង្គារនិយាយថា ការចរចានុយក្លេអ៊ែរឈុតថ្មីរវាងប្រទេសអ៊ីរ៉ង់ និងប្រទេសមហាអំណាចពិភពលោកទាំង៦នឹងចាប់ផ្តើមនៅថ្ងៃទី១៨ ខែមករា នៅក្រុងហ្សឺណែវ។
អនុរដ្ឋមន្ត្រីការបរទេសលោក អាប់ បាល់អារ៉ាក់ជី (Abbas Aragchi) និយាយថា ការចរចានោះនឹងត្រូវធ្វើក្នុងកំរិតថ្នាក់អនុរដ្ឋមន្ត្រីការបរទេសហើយថា ក្រុមចរចាអ៊ីរ៉ង់នឹងធ្វើការពិភាក្សាទ្វេភាគីជាមួយគណៈប្រតិភូសហរដ្ឋអាមេរិក និងគណៈប្រតិភូរុស្ស៊ីនៅថ្ងៃទី១៥ ខែមករា។
នៅព្រឹកថ្ងៃអង្គាររដ្ឋមន្ត្រីការបរទេសអ៊ីរ៉ង់ លោក ចា វ៉ាដហ្សារីហ្វ (Javad Zarif) និយាយត្រួសៗប្រាប់សភាដែលលុបលើដោយពួកមេដឹកនាំក្បាលរឹងក្នុងគោលបំណងដើម្បីការពារ ការរីកចម្រើនរបស់លោក នៅក្នុងអំឡុងពេលចរចានុយក្លេអ៊ែរនោះ។ ទោះបីជាមានបញ្ហាស្វិតស្វាញដោយសារពួកមេដឹកនាំក្បាលរឹងប្រឆាំងនឹងការចរចានោះពួកតំណាងរាស្ត្រភាគច្រើនបានគាំទ្រកាលបរិច្ឆេទ ដែលជិតមកដល់របស់ក្រុមចរចា។
តាមសារព័ត៌មានរដ្ឋបានឲ្យដឹងថា លោក ហ្សារីហ្វ បាននិយាយប្រាប់សភាថា «ថ្ងៃនេះពុំមានអ្នកណាម្នាក់សួរការចំរាញ់នុយក្លេអ៊ែរនៅក្នុងប្រទេសអ៊ីរ៉ង់ទេ។ ការពិភាក្សាឥឡូវនេះគឺស្តីពីបរិមាណនៃការចំរាញ់៕
0 Comments